საქართველოს 20-წლამდელთა ნაკრებმა ლიტვასთან დიდი სხვაობით წაგების შემდეგ ძალების მობილიზება შეძლო და სერბეთის მძლეველ საბერძნეთს ღირსეულად ეთამაშა. პირველი ტაიმის შემდეგ ისეთი შთაბეჭდილება რჩებოდა, რომ ჩვენს გუნდს ელინთა დამარცხება ხელეწიფებოდა, მაგრამ მესამე პერიოდი მეტოქემ 27:11 მოიგო და თამაშიც სათავისოდ შეატრიალა.
პირველ ტაიმში ჩვენმა გუნდმა 5 სამქულიანი ჩააგდო, მეორეში - 3. ამ კომპონენტში გამორჩეული იყო გიორგი ცირეკიძე, რომელმაც სულ 5 სამიანი სტყორცნა და 4 გამოიყენა. საბოლოოდ მატჩის ბომბარდირიც გიორგი გახდა - 21 ქულას მოუყარა თავი.
საქართველოს ნაკრები ჯგუფის საუკეთესო სამ გუნდს შორის
მომდევნო ეტაპის დაწყებამდე კი ქართველებს სერბეთთან მატჩი ელით. შეხვედრა 13 ივლისს 14:30 საათზე დაიწყება.
12 ივლისი
საქართველო-საბერძნეთი 61:75
21:17, 20:20, 11:27, 9:11
საქართველო: ორმოცაძე (14 წთ), ო. ფხაკაძე (26 წთ, 3პ, 11ქ), მიქელაძე (32 წთ, 12ქ, 4პ), კვანტალიანი (16 წთ, 2ქ), ცირეკიძე (28 წთ, 21ქ, 4მ), როგავა (26 წთ, 5ქ), გელაზონია (36 წთ, 8ქ, 8მ), ჯინჭარაძე (21 წთ, 2ქ).
საბერძნეთი: ბოჩორიდისი (10ქ), პაპაპეტრუ (15ქ), კარამალეგკოსი (13ქ), აგრავანისი (13ქ), კამპერიდისი (10ქ)...
