მეხუთე ტურის შემდეგ საქართველოს საკალათბურთო სუპერლიგას ერთადერთი დაუმარცხებელი გუნდი შემორჩა. მოქმედმა ჩემპიონმა "არმიამ" რიგით მეოთხე გამარჯვება ექსტრემალურ პირობებში მოიპოვა, თუმც "სოხუმსა" და "ქუთაისზე" ერთი თამაშით ნაკლები აქვს ჩატარებული და ცხრილში მხოლოდ მესამე ადგილზეა.
არმიელები 12 ნოემბერს "სპორტის სასახლეში" ტურის დასკვნით შეხვედრაში თსუ-ს ხვდებოდნენ. მატჩის მესამე მეოთხედში მოედანზე ინციდენტი მოხდა, რომელშიც ორივე გუნდის სათადარიგო მოთამაშეები ჩაერთვნენ და მოედანზე თვითნებურად შესვლისთვის მსაჯებმა ისინი დარბაზიდან გააძევეს.
მოედანზე ორივე გუნდის ის 5-5 კალათბურთელი დარჩა, რომლებიც ინციდენტის დროს თამაშობდნენ და მატჩის ჩამთავრებაც მათ მოუხდათ. მეოთხე
ჩემპიონატის ლიდერმა "სოხუმმა" გასვლით მატჩში იოლად დაამარცხა "ბათუმი", რომელსაც ჯერ გამარჯვება არ აქვს, ხოლო ასევე მოგების გარეშე მყოფმა "რუსთავმა" შინაურ კედლებში წააგო სამედიცინო უნივერსიტეტის გუნდთან. აქამდე კიდევ ერთმა მოუგებელმა გუნდმა "დინამომ" წაგებების სერია შსს-სთან შეწყვიტა.
ჩემპიონატის დებიუტანტი "ოლიმპი" ახლოს იყო ზედიზედ მეოთხე გამარჯვებასთან, პირველი ტაიმის სემდეგ 11 ქულით უგებდა ერთ-ერთ ლიდერ "ქუთაისს", თუმც "ქუთაისმა" მეორე ტაიმში ძალების მობილიზება შეძლო და საბოლოოდ 11-ქულიანი სხვაობით იმარჯვა.
საქართველოს ჩემპიონატი. პირველი წრე, მეხუთე ტური
11 ნოემბერი. ბათუმი
ბათუმი - სოხუმი 64:88
11 ნოემბერი. რუსთავი
რუსთავი - თსსუ 73:100
12 ნოემბერი. "სპორტის სასახლე"
ოლიმპი - ქუთაისი 64:75
12 ნოემბერი. "სპორტის სასახლე"
დინამო - შსს 94:89
12 ნოემბერი. "სპორტის სასახლე"
არმია - თსუ 73:71
სატურნირო მდგომარეობა
სოხუმი 5 4 1 444:359 9
ქუთაისი 5 4 1 419:359 9
არმია 4 4 0 352:235 8
თსსუ 5 3 2 432:431 8
სტუ 4 3 1 358:330 7
ოლიმპი 4 3 1 303:291 7
შსს 5 2 3 418:439 7
დინამო 5 1 4 392:473 6
თსუ 4 1 3 288:299 5
ბათუმი 5 0 5 355:431 5
რუსთავი 4 0 4 278:392 4
msy.gov.ge
