საქართველოს საკალათბურთო ჩემპიონატის მერვე ტურმა ლიდერი ვერ შეცვალა. მოქმედმა ჩემპიონმა "არმიამ" ეს ტურიც გამარჯვებით ჩაათამაშა და ცხრილის თავში დარჩა, მიუხედავად იმისა, რომ მის უახლოეს მდევრებს "სოხუმსა" და "ქუთაისს" ერთი თამაშით მეტი აქვთ გამართული. ჩემპიონმა 32-ქულიანი სხვაობით დაამარცხა ოთხგზის ჩემპიონი, აწ კი აუტსაიდერობამდე დასუსტებული "რუსთავი", რომელსაც შვიდი თამაშიდან ერთიც არ მოუგია.
მერვე ტურმა მოულოდნელობების გარეშე ჩაიარა, "არმიის" სამივე მდევარმა მოიგო. მათგან ყველაზე მეტად "ქუთაისს" გაუჭირდა, რომელსაც სამედიცინო უნივერსიტეტის გუნდმა ქუთაისში დიდი წინააღმდეგობა გაუწია და ბოლო წამამდე თანაბრად ებრძოლა.
"სოხუმმა" მეორე ტაიმში
ასევე დამაჯერებლად იმარჯვა დებიუტანტმა "ოლიმპმაც", რომელსაც შვიდ ტურში მხოლოდ ერთი წაგება აქვს. "ოლიმპის" მეტოქე მოგების გარეშე მყოფი "ბათუმი" იყო, რომელსაც წაუგებელი სერია შვიდ ტურამდე გაუგრძელდა.
თსუ-სა და სტუ-ს შორის სტუდენტური დერბი ივანე ჯავახიშვილის სახელობის თბილისის სახელმწიფო უნივერსიტეტის გუნდმა თორნიკე ნინიაშვილის სოლიდური თამაშის წყალობით, რომელმაც 29 ქულა და 17 მოხსნა მოაგროვა, ტექნიკური უნივერსიტეტს მოუგო.
სუპერლიგა. პირველი წრე. მე-8 ტური. 2-3 დეკემბერი
ქუთაისი 86:84 თსსუ
ქუთაისი: მათიაშვილი (29), ცეკვავა (17), ბარბაქაძე (11)
თსსუ: ჩიკვილაძე (16), ილიჩი (15), სამოილოვიჩი (14)
ოლიმპი 82:74 ბათუმი-რსუ
ოლიმპი: თავართქილაძე (13), ბერიშვილი (11), ჰოგერი (10 ქულა, 10 მოხსნა)
ბათუმი-რსუ: კეშეკავა (22 ქულა, 11 მოხსნა), მიქელაძე (16), ელიაშვილი (16)
შსს 82:93 სოხუმი
შსს: კრეპსი (24), სმიტი (19), ბლერი (19)
სოხუმი: ფაცაცია (35), ფარღალავა (27), ქადარია (12 ქულა, 14 მოხსნა), ჩლაიძე (12)
არმია 81:49 რუსთავი
არმია: ბაბიაშვილი (17), კვიმსაძე (16)
რუსთავი: კოპალიანი (14), არწივიძე (11)
თსუ 67:57 სტუ
თსუ: ნინიაშვილი (29 ქულა, 17 მოხსნა), კორკოტაძე (10), კოხრეიძე (1 ქულა, 12 მოხსნა, 9 პასი)
სტუ: ხანიაშვილი (14), ჩაჩიბაია (12), კობიძე (9 ქულა, 12 მოხსნა)
სატურნირო მდგომარეობა
არმია 7 7 0 644-440 14
სოხუმი 8 6 2 700-606 14
ქუთაისი 8 6 2 665-600 14
ოლიმპი 7 6 1 560-515 13
თსსუ 8 3 5 692-709 11
შსს 7 3 4 596-608 10
თსუ 7 3 4 529-549 10
დინამო 7 3 4 591-623 10
სტუ 7 3 4 571-610 10
ბათუმი 7 0 7 495-611 7
რუსთავი 7 0 7 476-648 7
msy.gov.ge
