საკალათბურთო "არმიამ" საქართველოს ჩემპიონატის მერვე ტურიც წაუგებლად ჩაათამაშა და ცხრილის სათავეში ლიდერობა შეინარჩუნა. "არმიამ" პირველივე მეოთხედში გადაწყვიტა მატჩის ბედი, რომელიც 33:8 მოიგო და შემდეგ თავს მოდუნების ნება მისცა. გამარჯვებულთა შორის საუკეთესო იყო "არმიის" ახლადშემატებული თეთრკანიანი გამთამაშებელი ბენ ვუდსაიდი, რომელმაც 20 წუთში 19 ქულა, 6 პასი და 4 ჩაჭრა მოაგროვა. ბათუმელთა მხრიდან კი 21 ქულით ივანე მაისურაძე გამოირჩა.
"არმიის" უახლოვესი მდევარი "სოხუმი ამ ტურში ისვენებდა და მას ცხრილში "ქუთაისმა" და "ოლიმპმა" აუარეს გვერდი. "ქუთაისმა" იოლად აჯობა სტუ-ს, რომელსაც პირველი მეოთხედი 30:13,
დამარცხებულთა შორის 17 ქულით გამოირჩა გიორგი ხანიაშვილი. ქუთაისელა რიგებში 31 ქულით საუკეთესო იყო გიორგი ბარბაქაძე. 18 ქულა მოაგროვა მისმა მოგვარემ, დავითმა, ხოლო ცენტრმა რიჩარდ მათიაშვილმა 12 ქულას და 11 მოხსნას 13 პასიც დაურთო და სამმაგი დუბლი შეასრულა.
მცხრე ტურში კიდევ ერთი სამმაგი დუბლი შესრულდა და ამჯერად მისი შემოქმედი გახდა მაიაშვილის საპირისპირო ამპლიუს მქონე კალათბურთელი. "ოლიმპის" და საქართველოს ნაკრების გამთამაშებელმა ლაშა გამყრელიძემ "დინამოსთან" შეხვედრაში 27 ქულა, 14 პასი და 10 მოხსნა გააკეთა. "ოლიმპმა" 33-ქულიანი სხვაობით დაამარცხა მეტოქე და "არმიასთან" პოტენციურად ყველაზე ახლოს დგას, რადგან მეორეადგილოსან "ქუთაისზე" ერთი თამაშით ნაკლები აქვს ჩატარებული, მოგებები კი მასთან თანაბარი ოდენობით მოუგროვებია.
ზედიზედ მესამე თამაში მოიგო ვიცე-ჩემპიონმა თსუ-მ და ცხრილის ზედა ნახევარში დამკვიდრდა. სტუდენტებმა რუსთავში დამაჯერებლად დაამარცხეს ადგილობრივი გუნდი, რომელიც წელიწადნახევრის წინ საქართველოში საუკეთესო იყო, მაგრამ ახლა ისეა დასუსტებული, რომ ჯერ თამაში არ მოუგია. თსუ-ს რიგებში გამოირჩნენ იოსებ შერმადინი (24 ქულა), მიხეილ ფანჩულიძე (23) და ზურაბ მაისურაძე (23), მასპინძლებში კი 25 ქულა გააკეთა რევაზ ჩაჩანიძემ.
სამედიცინო უნივერსიტეტთან იოლ გამარჯვებას მიაღწია შინაგან საქმეთა სამინისტროს გუნდმა და ლიდერთა ოთხეულის ზურგსუკან გამაგრდა. გამარჯვებულთა შორის 33 ქულით საუკეთესო იყო ამერიკელი ლეგიონერი ლარი ბლერი, ხოლო მედიკოსებს ბექა ბექაურმა 21 ქულით და 12 მოხსნით ულიდერა.
საქართველოს ჩემპიონატი. პირველი წრე. მე-9 ტური
9 დეკემბერი. რუსთავი
რუსთავი 81:103 თსუ
10 დეკემბერი. "სპორტის სასახლე"
არმია 102:68 ბათუმი
10 დეკემბერი. "სპორტის სასახლე"
თსსუ 80:105 შსს
10 დეკემბერი. "სპორტის სასახლე"
სტუ 78:107 ქუთაისი
10 დეკემბერი. "სპორტის სასახლე"
დინამო 66:99 ოლიმპი
msy.gov.ge
