სუპერლიგა. XIV ტურის რჩეულნი

მე-14 ტურის ცენტრალური მატჩი ("ოლიმპი"-"შსს აკადემია") საინტერესო სანახავი გამოდგა. ოლიმპელმა გამთამაშებელმა ლაშა გამყრელიძემ 35 ქულა ჩააგდო და თანაგუნდელებს სამი ქულის სხვაობით გაამარჯვებინა.

- მატჩს დანაკლისით შევხვდით, არ თამაშობდა სლიუკა, ხოლო ტუტუს კოჭი ჰქონდა გადაბრუნებული, მაგრამ მოედანზე მაინც გავიდა. ამის მიუხედავად გუნდმა მობილიზება მოახერხა და კარგი დაცვის წყალობით გამარჯვება ჩვენ დაგვრჩა.

- მეტოქეს ორიგინალური ტაქტიკა ჰქონდა, პერიმეტრიდან სროლისთვის სივრცეს გაძლევდა.
- ეს მათი მწვრთნელის დავალება იყო, მოწინააღმდეგე მცველი შორიდან მეთამაშებოდა, ალბათ იმიტომ, რომ ფარქვეშ გარღვევები არ განმეხორციელებინა. ცხადია, ყოველი შეტევისას ვერ ვისროდი, თუმცა საბოლოოდ 35 ქულა მომიგროვდა და რაც მთავარია, გავიმარჯვეთ.

- შეხვედრა იმითაც იყო გამორჩეული, რომ ორივე გუნდი დიდი მონდომებით იცავდა ფარს. სამწამიან ზონაში შეღწევა მართლაც რთული იყო.
- მოხსნებში არაერთ მეტოქესთან წაგვიგია, ასე მოხდა "შსს აკადემიასთანაც". თუმცა, "ოლიმპი" შეთამაშების გზაზეა, ერთი მეფარე იანვარში დაგვემატა. არ უნდა დაგვავიწყდეს, რომ გამოსასწორებელი გვაქვს პერიმეტრიდან ტყორცნის სიზუსტეც. ამ მხრივ ჩავარდნა "ქუთაისთან" სათასო მატჩში გვქონდა და დავმარცხდით კიდეც. ვიმედოვნებ, ნელ-ნელა თამაშს კიდევ უფრო გავაუმჯობესებთ.

- შაბათს "სოხუმს" დაუპირისპირდებით.
- აქტიურად ვემზადებით, როგორც ტაქტიკურად, ფიზიკურად, ასევე ფსიქოლოგიურად. "სოხუმის" დარ გუნდთან გამარჯვება თუ გინდა, მაქსიმალურად მობილიზებული უნდა გახვიდე და საუკეთესო თამაში უჩვენო.

სუპერლიგა. XIV ტური
ოლიმპი-შსს აკადემია 82:79
დინამო-სოხუმი 83:69
რუსთავი-თსუ 67:54
ბათუმი-სამედიცინო 71:78
ქუთაისი-არმია 73:81

რეკორდები
ქულა
41 - ლარი ბლერი (შსს)
2-ქულ 11/21; 3-ქულ 4/8; საჯ 7/8
17.12.11 შსს-თსუ

მოხსნა
20 - რიჩარდ მათიაშვილი (ქუთაისი)
(მეტოქ: 4; საკუთ: 16)
23.12.11 ბათუმი-ქუთაისი

პასი
14 - ლაშა გამყრელიძე (ოლიმპი)
29.10.11 შსს-ოლიმპი
14 - ლაშა გამყრელიძე (ოლიმპი)
10.12.11 დინამო-ოლიმპი
14 - ბენჟამინ ვუდსაიდი (არმია)
17.12.11 სოხუმი-არმია

ჩაჭრა
7 - რევაზ ჩაჩანიძე (რუსთავი)
29.10.11 სტუ-რუსთავი
7 - ნიკა რამიშვილი (ბათუმი)
11.11.11. ბათუმი-სოხუმი
7 - ლარი ბლერი (შსს)
23.12.11 რუსთავი-შსს

დაფარება
6 - ილიცა მილუტინოვიჩი (ოლიმპი)
15.10.11 თსუ-ოლიმპი
6 - ბექა ბექაური (სამედიცინო)
05.11.11 დინამო-სამედიცინო
6 - მილან ოლუიჩი (დინამო)
14.02.12 დინამო-არმია

ყოველდღიური სპორტული გაზეთი "ლელო"