21-ე ტურში თსუ-ს მიერ "შსს აკადემიის" დამარცხება ბევრისთვის მოულოდნელი იყო. სტუდენტთა წარმატება გუნდური თამაშის შედეგი გახლდათ, თუმცა ორი კალათბურთელი მაინც უნდა გამოვარჩიოთ: ვახტანგ ჩქარეული და ბექა ჩიკვილაძე. პირველმა 8-იდან 6 სამქულიანი ჩააგდო და 24 ქულას მოუყარა თავი, ხოლო ჩიკვილაძემ 28 ქულას 5-5 პასი-ჩაჭრა მიამატა.
დიდი მსჯელობის შემდეგ ჟურნალისტებმა ტურის საუკეთესო კალათბურთელად ბექა დავასახელეთ, რომელთან ინტერვიუსაც აქვე გთავაზობთ. მან "შსს აკადემიის" წინააღმდეგ ოთხმატჩიანი დისკვალიფიკაციის შემდეგ ითამაშა. სადისციპლინო კომიტეტმა ჩიკვილაძე არმიელ ჯერემი რიჩარდსონთან გაწევ-გამოწევის გამო დასაჯა.
- ნუგზარ მარკოიშვილის ხელში გავიზარდე. ნუგზარ
ამის გამო თავს უხერხულად ვგრძნობდი, რადგან მწვრთნელებსა და ხელმძღვანელობას ჩემი იმედი ჰქონდა, მაგრამ ვერ ვთამაშობდი. ნამდვილად არ ვაპირებ თავის მართლებას, პროფესიონალ კალათბურთელს ასეთი საქციელი არ შეშვენის. დისკვალიფიკაციამ ბევრი რამ მასწავლა და დარწმუნებული ვარ, მომავალში მსგავსს აღარ გავიმეორებ.
- როგორც ჩანს, ერთთვიანი უთამაშებლობის შემდეგ ფორმიდან არ ამოვარდნილხარ...
- ორჯერადად ვვარჯიშობდი და ვცდილობდი, ფორმა შემენარჩუნებინა.
- მაინც რის ხარჯზე მოახერხეთ "შსს აკადემიის" დამარცხება?
- მწვრთნელი, ნუგზარ ჭეიშვილი ყოველთვის ამბობს: მთავარია, გამარჯვებისთვის მაქსიმუმი გაიღო და წარმატებაც აუცილებლად მოვაო. შსს-სთან მართლაც ბოლომდე ვიბრძოლეთ და დაგვიფასდა. პირველ რიგში, გუნდური თამაშის წყალობით გავიმარჯვეთ, დაცვაში ერთმანეთს კარგად ვეხმარებოდით.
- მაღალ დონეზე ითამაშა ვახტანგ ჩქარეულმა...
- ისიც ჩემი თანატოლია, 1991 წელსაა დაბადებული. პატარაობიდან ვახტანგთან ერთად ვთამაშობ. წლეულს მეტი სათამაშო დრო აქვს და შესანიშნავადაც ირჯება. შსს-სთან პერიმეტრიდან მაღალი შედეგიანობით ისროლა და ჩვენს გამარჯვებაში დიდი წვლილი შეიტანა.
- რეგულარული ეტაპის დასრულებამდე ერთი მატჩი დარჩა. რა მნიშვნელობა აქვს თქვენთვის "დინამოსთან" შეხვედრას?
- თუ ეს თამაში მოვიგეთ, რეგულარულ ეტაპს მეშვიდე ადგილზე დავასრულებთ, რაც იმას ნიშნავს, რომ პლეი ოფის პირველ ეტაპზე "არმიას" ავცდებით. ამიტომ "დინამოსთან" დაპირისპირებისთვის განსაკუთრებულად ვემზადებით.
დინამო-სტუ 102:81
ოლიმპი-სამედიცინო 96:76
არმია-სოხუმი 89:69
თსუ-შსს აკადემია 77:65
ბათუმი-რუსთავი 73:82
რეკორდები
ქულა
41 - ლარი ბლერი (შსს აკადემია)
2-ქულ 11/21; 3-ქულ 4/8; საჯ 7/8
17.12.11 შსს-თსუ
41 - ლარი ბლერი (შსს აკადემია)
2-ქულ 14/20; 3-ქულ 2/6; საჯ 7/8
03.03.12 შსს-დინამო
მოხსნა
20 - რიჩარდ მათიაშვილი (ქუთაისი)
(მეტოქ: 4; საკუთ: 16)
23.12.11 ბათუმი-ქუთაისი
პასი
14 - ლაშა გამყრელიძე (ოლიმპი)
29.10.11 შსს-ოლიმპი
14 - ლაშა გამყრელიძე (ოლიმპი)
10.12.11 დინამო-ოლიმპი
14 - ბენჟამინ ვუდსაიდი (არმია)
17.12.11 სოხუმი-არმია
ჩაჭრა
8 - ბენჟამინ ვუდსაიდი (არმია)
10.03.12 სამედიცინო-არმია
დაფარება
6 - ილიცა მილუტინოვიჩი (ოლიმპი)
15.10.11 თსუ-ოლიმპი
6 - ბექა ბექაური (სამედიცინო)
05.11.11 დინამო-სამედიცინო
6 - მილან ოლუიჩი (დინამო)
14.02.12 დინამო-არმია
6 - მილან ოლუიჩი (დინამო)
17.03.12 დინამო-ბათუმი
6 - მილან ოლუიჩი (დინამო)
06.04.12 დინამო-სტუ
