9 მაისი, თბილისი, სპორტის სასახლეარმია-სოხუმი 79:63
15:15, 20:16, 21:14, 23:18
მსაჯები: ზ. მაჩალაძე, დ. ბერეკაშვილი, ს. საინერისი
სერია - 1:0
როცა ერთმანეთს კლასით თანაბარი კალათბურთელები უპირისპირდებიან, მცირე ნიუანსსაც დიდი მნიშვნელობა აქვს.
მაგალითად, 9 მაისს აშკარად გამოჩნდა, რომ "არმია" უფრო შეკრული გუნდია და სხვადასხვა სიტუაციაში შეუძლია ტაქტიკურ მონახაზში ცვლილებების სათავისოდ შეტანა.
თანაბრად ჩატარებული პირველი ტაიმის შემდეგ არმიელების მწვრთნელმა, კოტე ტუღუშმა სწორი დასკვნა გამოიტანა - მესამე პერიოდში თამაში ააჩქარა. ასეთ დროს, როგორც წესი, ბევრი რამ გამთამაშებლებზეა დამოკიდებული, ძალოვნებში კი ფორვარდი უილიამ ტომასი
მესამე პერიოდში "არმიას" მიერ ტემპის მომატებამ შედეგიც გამოიღო და მეოთხე რაუნდს 11-ქულიანი უპირატესობით შეხვდა.
სტატისტიკაც უნდა მოვიშველიოთ: საწყის ორ მეოთხედში ტუღუშის შეგირდებს სწრაფი შეტევით 7 ქულა ჰქონდათ მოგროვილი, მესამე პერიოდში კი პირველი შეტევის შედეგად ერთბაშად 8 ქულა მოინაგრეს. ხოლო მეოთხე რაუნდში სწრაფი იერიშებით ქულაც არ მოუპოვებიათ. ეს არცაა გასაკვირი, რადგან არმიელებს ბოლო რაუნდში არსად ეჩქარებოდათ.
კიდევ ერთი საგულისხმო დეტალი: "სოხუმმა" მოხსნებში 36:34 იმარჯვა. ამის მიუხედავად, სამწამიანი ზონიდან შეტევაში "არმიას" სერიოზული უპირატესობა ჰქონდა - 42 ქულა ჩააგდო, მაშინ, როცა საკუთარ კალათში 28 მიიღო. ფარქვეშიდან ტყორცნების მიხედვით, პირველ ტაიმში სხვაობა მხოლოდ ორ ქულას შეადგენდა, მესამე ათწუთეულში კი, როგორც გითხარით, ძალოვნები სწრაფი თამაშით ფარქვეშ შესვლას კარგად ახერხებდნენ და ქულებსაც უმთავრესად სამწამიანი ზონიდან აგროვებდნენ...
მეორე მატჩი 10 მაისს გაიმართება. საინტერესოა, რომელ გუნდს აღმოაჩნდება სათანადო რესურსი ზედიზედ მეორე შეხვედრის მაღალ დონეზე ჩასატარებლად.
კოტე ტუღუში ("არმიის" მწვრთნელი):
"მხოლოდ პირველი შეხვედრა მოვიგეთ. წინ ურთულესი მატჩები გველის. დავინახეთ, რომ "სოხუმი" კარგი მოთამაშეებითაა დაკომპლექტებული და ბევრი რამ გამოსასწორებელი გვაქვს. დღეს მეტოქეს მხოლოდ 63 ქულა ჩავაგდებინეთ, რითაც კმაყოფილი ვარ".
ვაჟა კვარაცხელია ("სოხუმის" მწვრთნელი):
"დიდი მადლობა მაყურებელს, რომელმაც მატჩი კიდევ უფრო გაალამაზა. გულშემატკივარს ვპირდები, რომ ხვალ გაცილებით უკეთესი და სანახაობრივი თამაში იქნება, ანგარიშში სხვაობაც დაიკლებს".
V-VIII ადგილები. 9 მაისი, თბილისი
დინამო-თსუ 115:82
25:12, 26:19, 32:25, 32:26
დინამო: ლეჟავა (3ქ, 6პ, 8მ), ლომიძე (2ქ), კეიდია (10ქ, 8მ), მეხრიშვილი (10ქ), გრუევი (19ქ, 10პ), ზესევიჩი (17ქ, 3პ), ოლუიჩი (21ქ, 14მ, 3პ, 11დ), კარტერი (33ქ, 14მ, 3პ, 3ჩ).
თსუ: მჭედლიშვილი (5ქ, 3პ), კოხრეიძე (6ქ, 6მ), თავამაიშვილი (4ქ), ჩიტაშვილი (1ქ, 5პ), ხიზანიშვილი (11ქ), შერმადინი (2ქ), მაისურაძე (27ქ, 7მ), ჩქარეული (5ქ), ბაქრაძე (3ქ), ჩიკვილაძე (18ქ).
მსაჯები: ზ. მაჩალაძე, დ. ბერეკაშვილი, გ. მიქელაძე
ამ შეხვედრას რიცხვი 33 მწვანე ზოლად გაჰყვა: მატჩის ბომბარდირი 33 ქულით "დინამოს" 33-ე ნომერი ქიენ კარტერი გახდა. მისმა გუნდმა კი 33 ქულის სხვაობით დაამარცხა თსუ.
სუპერლიგის წლევანდელ გათამაშებაში მორიგი სამმაგი დუბლი შესრულდა: მილან ოლუიჩმა 21 ქულა, 14 მოხსნა და 11 დაფარება მოაგროვა. 11 "ბლოკ-შოტი" არა მხოლოდ მიმდინარე სუპერლიგის, არამედ საქართველოს ჩემპიონატების აბსოლუტური რეკორდია.
ყოველდღიური სპორტული გაზეთი "ლელო"
