2 ნოემბერს გამართული მატჩის ფავორიტი დავით უსტიაშვილის გუნდი იყო. ქუთაისლებმა დაგეგმილი ქულები კი მოიპოვეს, მაგრამ მასპინძელთა თამაშში უამრავი წუნი შეინიშნებოდა და იოლი გამარჯვების მიუხედავად, ქუთაისელი გულშემატკივრები ბოლომდე კმაყოფილები ვერ დარჩნენ. უჩვეულოდ სუსტად გამოიყურებოდნენ "ქუთაისის" ლიდერები გიორგი ბარბაქაძე და რევაზ დიდია, პერიმეტრიდან სროლები არც ერთს არ წაუვიდა. შედეგად ბარბაქაძემ მხოლოდ 3, დიდიამ კი 5 ქულა მოაგროვა, რაც ამ კალათბურთელებისთვის ძალზედ დაბალი მაჩვენებელია.
როგორც ჩანს მასპინძლები სტუ-სთან იოლ გასეირნებას ელოდნენ და შეხვედრას ბოლომდე მობილიზებული ვერ შეხვდნენ.
ქუთათურებმა მატჩი მძიმედ დაიწყეს, მართალია, მათიაშვილის
შეხვედრა ორმხრივ შეცდომებში მიმდინარეობდა, ხშირი იყო გარბენები, არაზუსტი პასები, ბურთის უწყინარ სიტუაციაში დაკარგვა და არაზუსტი სროლები.
პირველ პერიოდში მასპინძლების ლიდერობა ბუბა კვიმსაძემ ითავა, რომლის თამამმა შეტევებმა შედეგი გამოიღო და "ქუთაისმა" პირველი პერიოდი 18:16 მოიგო.
თამაშის ხარისხი მომდევნო მეოთხედშიც არ გაუმჯობესებულა, თუმცა დავით უსტიაშვილის შეგირდებმა გამოცდილების ხარჯზე თანდათან ანგარიში გაზარდეს, შედეგიანად უტევდა რიჩარდ მათიაშვილი, რომელმაც საბოლოოდ ქუთაისელთაგან ყველაზე მეტი 17 ქულა დააგროვა და ორმაგ დუბლამდე 1 მოხსნა დააკლდა...
კვიმსაძის ზუსტი სამქულიანის შემდეგ ქუთათურები 10 ქულით დაწინაურდნენ (38:28) და პირველი ტაიმიც ასე მორჩა.
ქუთაისლებმა მესამე პერიოდში 15 ქულამდე გაზარდეს სხვაობა. კარგად ჩაერთო თამაშში დავით ბარბაქაძე, რომელმაც საბოლოოდ გუნდს 10 ქულა მოუტანა. აქტიურობდა თემურ ბაბუნაშვილიც (12).
დასკვნითი მეოთხედში ზაურ ფაშაევისა და დავით ბარბაქაძის კარგი თამაშის წყალობით მასპინძლები 19 ქულითაც დაწინაურდნენ (68:49), თუმცა, შემდეგ კვლავ შეცდომებს მოუხშირეს და სტუმრებმა სხვაობა მცირედით შეამცირეს.
სუპერლიგა 2012-13. III ტური
02.05 ქუთაისი
ქუთაისი-სტუ 76:63
(18:16, 20:12, 23:16, 16:19)
ქუთაისი წთ მ პ შ ჩ დ ქ
ფაშაევი 31 5 4 1 0 10
ბაბუნაშვილი 21 1 2 3 3 0 12
დიდია 24 5 6 3 0 0 5
გრძელიძე 9 4 2 2 0 0 1
კვიმსაძე 20 5 3 2 1 1 11
მესხი 2 0 0 0 0 0 0
დ. ბარბაქაძე 19 2 2 3 1 1 10
ლომინაშვილი 11 9 1 3 0 1 2
გ. ბარბაქაძე 30 5 3 3 3 0 3
კოღუაშვილი 4 1 0 0 0 0 5
მათიაშვილი 23 9 2 5 2 2 17
სტუ წთ მ პ შ ჩ დ ქ
ჩაჩიბაია 9 0 2 1 0 0 0
თევზაძე 5 1 0 1 0 0 0
კორკოტაძე 27 4 2 1 1 0 10
მაჩალაძე 16 6 3 2 3 0 4
პირველაშვილი 26 4 4 4 0 0 11
დ. დვალიშვილი 24 4 2 1 2 0 4
შერმადინი 17 4 2 1 0 0 9
კუჭავა 14 3 2 1 2 0 6
ძიძიგური 19 5 2 5 4 0 5
ჯანაშია 18 4 0 2 0 0 11
ქორიძე 21 4 2 3 3 0 3
მსაჯები: დავით ბერიკაშვილი, დავით ბერიშვილი, გურამ მიქელაძე
(იბეჭდება მცირე ცვლილებით)
ყოველდღიური სპორტული გაზეთი "ლელო"
