ევროჩელენჯის გათამაშებას გამოთიშული "არმია" მთლიანად საქართველოს ჩემპიონატზე გადმოერთო და მორიგი ტურის ცენტრალურ მატჩში ტრავმებით დასუსტებული "დინამო" დაამარცხა.კოტე ტუღუშის გუნდმა წინა ტურში რუსთავში წააგო და დღეს, დინამოელთა დამარცხებით შიდაჩემპიონატში პოზიციები გაიმყარა.
თავდაცვის სამინისტროს გუნდს არ გასჭირვებია დინამოელთა ძლევა. პირველ მეოთხედში არმიელებმა 10-ქულიანი უპირატესობა მოიპოვეს, რაც გუნდური თამაშის წყალობით მოახერხეს.
ტუღუშის გუნდში გამორჩეული მოთამაშე არ ყოფილა, ყველა კალათბურთელი, რომელიც მოედანზე იყო, თავის სამუშაოს ასრულებდა და ქულებიც მეტ-ნაკლებად თანაბრად ნაწილდებოდა.
დიდი შესვენების შემდეგ ანგარიშში სხვაობა 11 ქულა იყო, რომელიც 10 წუთში 26
"არმიაში" 19 ქულით ბომბარდირი ლამაინ უილსონის გახდა, ხოლო ოთხმა მოთამაშემ - გამყრელიძემ, შელბომმა, მილეიჯმა და შარაბიძემ 12-12 ქულა მოაგროვეს. "დინამოში" 24 ქულით საუკეთესო ბექა ჩიკვილაძე გახლდათ, ხოლო ქიენ კარტერმა 18 ქულითა და 11 მოხსნით ორმაგი დუბლი შეასრულა.
კოტე ტუღუში (არმია): "ამდენი წაგებული მატჩის შემდეგ ნანატრი გამარჯვება მოვიპოვეთ. დინამო ძლიერი კონკურენტია და ვიცოდით რომ დიდ წინააღმდეგობას გაგვიწევდა.
ნელ-ნელა ოპტიმალურ ფორმაში შევდივართ და და ვიმედოვნებთ, რომ პირველი წრის ბოლო ტურში ოლიმპთან სასურველ შედეგს ვაჩვენებთ. სწორედ ამ მატჩზე იქნება დამოკიდებულისატურნირო ცხრილში ჩვენი გუნდის მდგომარეობა".
ირაკლი ხოშტარია (დინამო): "მივოლოცავ გამარჯვებას მოწინააღმდეგეს. ვიცოდი რომ არმია სრული სერიოზულობით მიუდგებოდა ამ შეხვედრას, თუმცა უნდა აღვნიშნოთ რომ გუნდში ძალიან ბევრი ტრავმირებული მოთამაშე გვყავს, რაც შეცდომებთან ერთად ჩვენი დღევანდელი მარცხის ერთ-ერთი მთავარი მიზეზი იყო".
გიორგი შარაბიძე (არმია): "ძალიან მნიშვნელოვანი გამარჯვება მოვიპოვეთ. ნელ-ნელა შევდივართ ფორმაში და იმედია მომავალ შეხვედრებში კიდევ უფრო წარმატებით ვიასპარეზებთ".
ზეზვა ლილუაშვილი (დინამო): "მივულოცავ არმიას წარმატებას, ვეცდებით შეცდომები გამოვასწოროთ და მორიგი თამაშებისთვის მოვემზადოთ".
superleague.ge
