ჟურნალისტებმა საუკეთესოს გამოვლენისას ამჯერადაც ბევრი ვიმსჯელეთ და საბოლოოდ გიგი ბარბაქაძეზე შევჩერდით, რომელმაც 23 ქულა, 6 მოხსნა და 2-2 ჩაჭრა დაფარება მიითვალა.
გიგის "სოხუმთან" დაპირისპირების გახსენება ვთხოვეთ.
-
- ტურის საუკეთესო კალათბურთელის ამორჩევა რთული იყო, დიდიამ და ბერიშვილმაც კარგად ითამაშეს.
- რეზო დიდია დიდებული იყო. ბუბა ბერიშვილი კი გუნდის ლიდერია. ფარქვეშ სერიოზული დახმარება გაგვიწია მამუკა ბოლქვაძემ, რომელმაც სოხუმელი ამერიკელი მეფარეების წინააღმდეგ კარგად იბრძოლა...
- "ქუთაისში" არაერთი დებიუტანტია...
- ლომინაშვილმა "არმიასთან" გამარჯვებაში დიდი წვლილი შეიტანა, ასევე ნიჭიერი მოთამაშეები არიან ტუკვაძე, ქორიძე, ბაბუნაშვილი. ისინი უმაღლეს ლიგაში პირველ სეზონს ატარებენ და მეტ გამოცდილების რომ მიიღებენ, გაცილებით უკეთესი გუნდი გვეყოლება.
- ...და რას უნდა ველოდეთ "ქუთაისისგან"?
- ხელმძღვანელობა მიზნად ოთხეულში მოხვედრას გვისახავს. ნახევარფინალში გასვლა ურიგო შედეგი არ იქნება, მაგრამ თუ ჯარისკაცი ფიქრობს გენერლობაზე, კალათბურთელმა რატომ არ უნდა იფიქროს ჩემპიონობაზე?!
- ასე რომ, "ქუთაისში" გადასვლა სწორი ნაბიჯი იყო...
- რა თქმა უნდა. ზაფხულში, ყველაზე საინტერესო წინადადება სწორედ ამ გუნდიდან მივიღე. შესაბამისად ბევრი არ მიფიქრია. ქუთაისი ჩემი დედულეთია, დეიდა და ბიძა აქ მყავს. ასე რომ, თავს კარგად ვგრძნობ.
- 10 დეკემბერს "სამედიცინოს" მასპინძლობთ...
- იოლი მატჩი არ იქნება, თუმცა ქუთაისის დარბაზში უამრავი ქომაგი მოდის და ვეცდებით იმედები არ გავუცრუოთ.
ყოველდღიური სპორტული გაზეთი
"ლელო"
