საქართველოს საკალათბურთო სუპერლიგის მე-6 ტური გუშინ, 20 ნოემბერს, ბათუმში ლიდერთა მატჩით გაიხსნა. ჩემპიონატის 3 ლიდერი გუნდიდან აჭარის დედაქალაქში 2 შეიკრიბა - "ბათუმმა" "ქუთაისს" უმასპინძლა და დაძაბულ ბრძოლაში - 66:62 დაამარცხა.ამ გუნდებთან ერთად სუპერლიგას 4 მოგებითა და ერთი მარცხით "სოხუმი" ლიდერობდა. ახლა ამ სამეულს ბათუმში დამარცხებული "ქუთაისი" გამოაკლდა, რომელმაც მასპინძლებს ღირსეული წინააღმდეგობა გაუწია და გამარჯვებამდე ცოტა დააკლდა.
შეხვედრა ბათუმელთა სოლიდური უპირატესობით დაიწყო. პირველი პერიოდის 18:11 მოგების შემდეგ ბათუმელებმა მეორე ათწუთეულიც რიხიანად დაიწყეს და ბესო ლეჟავას სამქულიანის შემდეგ მათი უპირატესობა 14
ქუთაისელები ამან ვერ გატეხა. რიჩარდ მათიაშვილის, გიორგი ბარბაქაძისა და გოგა ცეკვავას შედეგიანობით ქუთაისელებმა თამაშის მიმდინარეობა თანაბარ კალაპოტს დაუბრუნეს და დიდი შესვენებისთვის ჩამორჩენა ისევ 7 ქულამდე შეამცირეს.
მესამე პერიოდში სტუმრებმა ტემპს კიდევ უფრო უმატეს და წინაც გავიდნენ. ბექა ბექაურის, ანატოლი ბოისას და გიორგი ბარბაქაძის ქულებით მატჩის 27 წუთისთვის ქუთაისელები 42:41 დაწინაურდნენ.
"ბათუმი" წაგების სერიოზულის საფრთხის წინაშე დადგა. მასპინძლების პასუხი ლევან რევაზაშვილის და ლეჟავას სამქულიანები იყო, რითაც მასპინძლებმა პერიოდის მიწურულს კვლავ 7-ქულიანი ლიდერობა აღდგინეს - 51:44.
ბოლო პერიოდი ბათუმელებმა შტურმით დაიწყეს. ნიკა რამიშვილის სამქულიანითა და რევაზაშვილის ზედიზედ 2 ორქულიანით აჭარლები მეორე პერიოდის მსგავსად 14-ქულიან ლიდერობამდე ავიდნენ - 58:44. ამის შემდეგ მასპინძლებმა თამაშს ტემპი დააგდეს და ხელჩასაჭიდი უპირატესობის შენარჩუნებას შეუდგნენ, რაც მშვენივრად გამოუვიდათ.
აღსანიშნავია ბათუმელთა 2 უკრაინელი ლეგიონერის - იგორ კრივცოვისა და ლეონიდ სტეფანიშინის გამართული, შედეგიანი თამაში. ორივე მათგანმა უდიდესი წილი გაიღო ქუთაისელების დამარცხებაში.
ბოლო წუთებზე ქუთაისელებმა ძალების მაქსიმალური მობილიზება მოახდინეს. გიორგი ბარბაქაძემ ბოლო წუთზე მიჯრით 5 ქულა ჩააგდო და ჩამორჩენა 4 ქულამდე შეამცირა - 58:62.
ქუთაისელთა სამწუხაროდ, ეს იყო მაქსიმუმი. ბათუმელებმა 4 ქულით - 66:62 იმარჯვეს და სუპერლიგის ერთპიროვნული ლიდერები არიან. დაკარგული ქულების მიხედვით ლიდერია "სოხუმიც", რომელიც ამ ტურში დღეს, 21 ნოემბერს, თბილისის სპორტის სასახლეში "მგზავრებს" შეხვდება, სადაც კიდევ დანარჩენი 2 მატჩი გაიმართება: ცენტრალურ თამაშში "დინამო" "ოლიმპს" დაუპირისპირდება, ხოლო "რუსთავი" "აკადემიას" .
"ბათუმს" 17 ქულით და 9 მოხსნით იგორ კრივცოვმა ულიდერა. 15 ქულა და 9 მოხსნა ჰქონდა სტეპანიშინს, ბესო ლეჟავამ კი შეხვედრა 11 ქულით, 7 მოხსნით და 5 პასით დაასრულა.
ქუთაისელთაგან 16 ქულით ბომბარდირი გიორგი ბარბაქაძე გახდა, მატჩის ერთადერთი ორმაგი დუბლი კი რიჩარდ მათიაშვილმა მიითვალა - 10 ქულა, 13 მოხსნა.
მომზადებულია superleague.ge-ს მიხედვით
