სლოვენიაში, პოსტოინას გამოქვაბულში, ევროპის 2013 წლის ჩემპიონატის წილისყრა გაიმართა. უკრაინული კალათბურთის ლეგენდამ ალექსანდრე ვოლკოვმა მეხუთე კალათიდან ამოიღო ლამაზად გაფორმებული ფურცელი, რომელსაც Georgia ეწერა და ჩვენი გუნდი C ჯგუფში მოათავსა, იქ, სადაც მანამდე მოხვედრილიყვნენ ესპანეთი, სლოვენია, ხორვატია და პოლონეთი; მეექვსე კალათიდან კი მეტოქედ ჩეხეთი გვერგო.
აქვე გეტყვით, რომ ოთხი ჯგუფის 6-6 ნაკრებიდან მომდევნო ეტაპზე საუკეთესო სამ-სამი გავა.
ასე რომ, 2011 წლის შედეგის გასამეორებლად საქართველოს ნაკრებს ჯგუფის ზედა სამეულში მოხვედრა სჭირდება, რაც ურთულესი საქმეა, მაგრამ შესრულებადი.
მეორე ეტაპზე კი 12 გუნდი ორ
ევროპის ჩემპიონატი სლოვენიაში 4 სექტემბერს დაიწყება და 22 სექტემბერს დასრულდება. ჩვენი ჯგუფის მატჩები ქალაქ ჩელიეში გაიმართება.
A ჯგუფი: საფრანგეთი, დიდი ბრიტანეთი, გერმანია, უკრაინა, ბელგია, ისრაელი.
B ჯგუფი: მაკედონია, ლიტვა, მონტენეგრო, ბოსნია-ჰერცეგოვინა, ლატვია, სერბეთი.
C ჯგუფი: ესპანეთი, სლოვენია, ხორვატია, პოლონეთი, საქართველო, ჩეხეთი.
D ჯგუფი: რუსეთი, საბერძნეთი, იტალია, ფინეთი, თურქეთი, შვედეთი.
C ჯგუფის კალენდარი
4 სექტემბერი
საქართველო-პოლონეთი
ესპანეთი-ხორვატია
ჩეხეთი-სლოვენია
5 სექტემბერი
საქართველო-ხორვატია
პოლონეთი-ჩეხეთი
სლოვენია-ესპანეთი
7 სექტემბერი
სლოვენია-საქართველო
ესპანეთი-ჩეხეთი
ხორვატია-პოლონეთი
8 სექტემბერი
პოლონეთი-ესპანეთი
საქართველო-ჩეხეთი
სლოვენია-ხორვატია
9 სექტემბერი
საქართველო-ესპანეთი
სლოვენია-პოლონეთი
ხორვატია-ჩეხეთი
(იბეჭდება მცირე ცვლილებით)
ყოველდღიური სპორტული გაზეთი "ლელო"
