საქართველოს საკალათბურთო ნაკრები 6 სექტემბერს ევრობასკეტი 2015-ზე ჯგუფის მეორე შეხვედრას სლოვენიასთან ჩაატარებს.შეხვედრა ჩვენი დროით 20:00 საათზე დაიწყება და მატჩის პირდაპირ ტრანსლაციას საზოგადოებრივი მაუწყებლის პირველი არხი განახორციელებს.
შეგახსენებთ, რომ პირველ მატჩში საქართველო ჰოლანდიასთან ანგარიშით 72:73 დამარცხდა.
ევროპის 2015 წლის ჩემპიონატზე საქართველოს ნაკრების მეორე მეტოქე სლოვენიაა. ეს ნაკრები ევროპირველობებზე ჩვენი გუნდის თანამგზავრია. 2011 წელს 87:75 დაგვამარცხა, ხოლო 2013-ში - 72:68. მეორე შემთხვევაში სლოვენიელები ევრობასკეტის მასპინძლები იყვნენ და ბოლო წამებზე მატჩის ბედის გადაწყვეტისას დიდი როლი ითამაშა მსაჯების
სხვათა შორის, 2011 და 2013 წლების ევროპის ჩემპიონატებზე სლოვენიისთვის იოლი სულაც არ იყო საქართველოს ნაკრების ზონური დაცვის გადალახვა. იმედი დავიტოვოთ, არც 2015 წელს შეიცვლება რამე, თუმცა სლოვენიელებთან წინა ორ ევრობასკეტზე წაგებებისგან სწორი დასკვნები უნდა გამოვიტანოთ - ორივე შემთხვევაში სამქულიანებით მოგვიგეს. ფარქვეშ კი უპირატესობა ჩვენს მხარეს იყო.
სლოვენიელთა მთავარი იმედი გორან დრაგიჩი ევროპის ჩემპიონატზე არ ითამაშებს. "მაიამი ჰიტის" ვარსკვლავს ნაკრებში ვერჩასვლის საპატიო მიზეზი აქვს: მისი მეუღლე ბავშვს სწორედ ევრობასკეტის პერიოდში ელოდება და კალათბურთელს სურს ასეთ დროს ოჯახთან იყოს.
სლოვენიელებმა გაფართოებულ შემადგენლობაში დაასახელეს ამერიკელი ბრაიანტ დანსტონი, მაგრამ სლოვენიის მოქალაქეობა არ მიუღია. მისთვის სლოვენიის პასპორტის გაცემის თხოვნა კალათბურთის ფედერაციამ მთავრობას უკვე გაუგზავნა, თუმცა დადებითი პასუხის მისაღებად აუცილებელი იყო დანსტონს წინა წლებში სლოვენიაში ეცხოვრა...
აი, რას ამბობს სლოვენიის ნაკრების თავკაცი იურე ჟდოვცი, საქართველოს ეროვნულ გუნდზე:
- ყველა მეტოქეს კარგად ვიცნობთ, გარდა ერთისა - ჰოლანდიასთან ბოლო წლებში არ გვითამაშია. პირველი ადგილისთვის სლოვენია, ხორვატია და საბერძნეთი ვიბრძოლებთ. რაც შეეხება საქართველოს, თუ ხორვატიაში ოპტიმალური შემადგენლობით ჩამოვა, შეიძლება ევრობასკეტის სიურპრიზად იქცეს.
ევრობასკეტი-2013. ფინალური ეტაპი
07.09.2013
სლოვენია-საქართველო 72:68
13:19, 31:13, 10:14, 18:22
საქართველო: ცინცაძე (36წთ, 10ქ, 6პ), მარკოიშვილი (35წთ, 10ქ, 5მ, 3პ), ფაცაცია (16წთ, 2ქ, 3მ), სანიკიძე (37წთ, 17ქ, 13მ) შერმადინი (29წთ, 7ქ, 5მ), ბურჯანაძე (3წთ), ჰიკმანი (29წთ, 19ქ, 7მ, 2ჩ), ლეჟავა (4წთ, 2ქ), ცქიტიშვილი (11წთ, 1ქ, 4მ)
ევრობასკეტი-2011. ფინალური ეტაპი
03.09.2011
სლოვენია-საქართველო 87:75
15:25, 25:15, 19:18, 28:17
საქართველო: ვ. ბოისა (19წთ, 3ქ, 5მ), ფაჩულია (31წთ, 22ქ), ცინცაძე (23წთ, 5ქ, 6მ, 6პ), მარკოიშვილი (30წთ, 16ქ), სანიკიძე (33წთ, 10ქ, 3მ), გამყრელიძე (17წთ, 6ქ), შერმადინი (9წთ, 3მ), ჰეინსი (10წთ, 6ქ), შენგელია (18წთ, 6ქ, 7მ, 3პ), ცქიტიშვილი (10წთ, 1ქ).
ამხანაგურად
25.07.2014
სლოვენია-საქართველო 95:68
სლოვენიის ნაკრები
მოთამაშე სმ ამპლუა დაბ. გუნდი
იურე ბალაჟიჩი 204 ფორვარდი 1980 ისტანბული (თურქეთი)
იაკა ბლაჟიჩი 196 უკანახაზელი 1990 ცრვენა ზვეზდა (სერბეთი)
ჟიგა დიმეჩი 211 ცენტრი 1993 როგასკა (სლოვენია)
ზორან დრაგიჩი 196 უკანახაზელი 1989 ხიმკი (რუსეთი)
ნებოისა იოკსიმოვიჩი 193 უკანახაზელი 1981 კრკა (სლოვენია)
იაკა კლობუჩარი 198 უკანახაზელი 1987 ულმი (გერმანია)
ალენ ომიჩი 217 ცენტრი 1992 ოლიმპია (სლოვენია)
კლემენ პრეპელიჩი 191 უკანახაზელი 1992 ოლიმპია (სლოვენია)
უროშ სლოკარი 210 ცენტრი 1983 ესტუდიანტესი (ესპანეთი)
გასპერ ვიდმარი 211 ცენტრი 1987 დარუშაფაკა (თურქეთი)
მიჰა ლაპორნიკი 192 უკანახაზელი 1993 ზლატოროგი (სლოვენია)
ბლაჟ მაჰკოვიჩი 183 უკანახაზელი 1983 ოლიმპია (სლოვენია)
მატია ნიკოლიჩი 200 ფორვარდი 1991 პრაღა (ჩეხეთი)
ლუკა რუპნიკი 185 უკანახაზელი 1993 ოლიმპია (სლოვენია)
ბობან ტომიჩი 190 უკანახაზელი 1988 გროსბასკეტი (სლოვენია)
ლუკა ვონჩინა 191 უკანახაზელი 1991 ჰელიოსი (სლოვენია)
საშა ზაგორაჩი 205 ფორვარდი 1984 ზლატოროგი (სლოვენია).
მწვრთნელი: იურე ჟდოვცი
სლოვენიის ნაკრების ისტორია
სეზონი შეჯიბრება ადგილი თ მ წ ქულები
2013 ევრობასკეტი 5 11 7 4 73.0/71.5
2011 ევრობასკეტი 7 11 6 5 68.6/68.5
2009 ევრობასკეტი 4 9 6 3 75.2/69.0
2007 ევრობასკეტი 7 9 6 3 69.4/63.3
2005 ევრობასკეტი 6 12 9 3 75.4/69.1
2003 ევრობასკეტი 10 14 9 5 81.0/76.1
2001 ევრობასკეტი 15 13 10 3 83.5/73.2
1999 ევრობასკეტი 10 16 11 5 75.9/69.8
1997 ევრობასკეტი 14 15 8 7 74.5/68.5
1995 ევრობასკეტი 12 12 7 5 89.0/80.8
1993 ევრობასკეტი 14 3 1 2 66.0/74.7
ყოველკვირეული ჟურნალი "ლელო week"
