ზაზა ფაჩულიას "გოლდენ სტეიტმა" "კლიპერსი" გააცამტვერა [VIDEO]

"გოლდენ სტეიტმა" სეზონის ერთ-ერთი უძლიერესი მატჩი ჩაატარა.

ზაზა ფაჩულიას გუნდმა დასავლეთ კონფერენციაში ერთ-ერთ კონკურენტსა და ზოგადად, ამბიციურ გუნდს უმასპინძლა და 46 ქულით გაანადგურა. ოკლენდში სამეზობლოდან "ლოს ანჯელეს კლიპერსი" ჩავიდა და უშანსოდ - 98:144 წააგო.

ძალიან იოლ მატჩში ყველა გოლდენსტეიტელს მოუწია თამაშმა, ხოლო სასტარტო ხუთეულის წევრებმა თავის საშუალოზე ნაკლები დრო დაჰყვეს მოედანზე. ზეშედეგიანად ითამაშა სტეფ კარიმ, რომელმაც 29 წუთში 43 ქულა, 9 მოხსნა და 6 პასი მიითვალა. კევინ დიურანტმაც 29 წუთი ითამაშა და 23 ქულას უწია.

ფაჩულია სასატრო ხუთულში იყო და მოედანზე 14:25 წუთით გამოჩნდა. ქართელმა ცენტრმა 3-დან 2 ორქულიანი ჩააგდო, 4 ქულა დააგროვა და ამას 6 მოხნა, 3 პასი და 1 ჩაჭრა მოაყოლა. ზაზა სამჯერ დაჯარიმდა და ბურთი ერთხელ დაკრგა. კლიპერსელთა ცენტრმა, დეანდრე ჯორდამნა 23 წუთში 8 ქულა და 5 მოხსნა მოაგროვა, საუკეთესო კი მეტოქე გუნდში 20 ქულით ბლეიკ გრიფინი გახდა.

ეს გახლდათ ოკლენდელთა სეზონის მე-40 გამარჯვება, რაც სრულიად ლიგაში ლიდერობის გარანტია. მომდევნო შეხვედრა "გოლდე სტეიტს" 30 იანვარს პორტლენდში ჩვენი დროიტ 06:00 საათზე, "ბლეიზერსთან" ელის.

მომზადებულია gbf.ge-ს მიხედვით