კარის 12 სამქულიანი "მემფისთან" - "გოლდენ სტეიტმა" მნიშვნელოვანი გამარჯვება მოიპოვა [VIDEO]

AutoSharing Option
AUTO PLAY
ნაციონალური საკალათბურთო ასოციაციის რეგულარული სეზონის მორიგ ტურში "გოლდენ სტეიტმა" სტუმრად "მემფის გრიზლი" 134:125 დაამარცხა.

სტუმართა რიგებში სტეფ კარიმ მორიგი ფენომენალური მატჩი ჩაატარა, ვეტერანმა უკანახაზელმა 52 ქულა, 10 მოხსნა და 8 შედეგიანი პასი მიითვალა. კარიმ მეტოქის ფარში 20 ცდიდან 12 სამქულიანი მოათავსა.

"უორიორსის" ერთ-ერთმა ლიდერმა დრეიმონდ გრინმა კი სამმაგი დუბლი შეასრულა - 13 ქულა, 10 მოხსნა და 12 შედეგიანი გადაცემა.

"მემფისიდან" ჯა მორანტმა საკუთარ გუნდს 36 ქულა, 3 მოხსნა და 6 ასისტი შესძინა.

ამრიგად, "გოლდენ სტეიტმა" უმნიშვნელოვანესი გამარჯვება მოიპოვა და დასავლეთ
კონფერენციის სატურნირო ცხრილში 44 მოგებითა და 31 მარცხით, მე-5 ადგილზე გადაინაცვლა. "ოქროსშტატელები" მორიგ შეხვედრას 4 აპრილს, "ლოს ანჯელეს ლეიკერსის" წინააღმდეგ გამართავს.
მკითხველის კომენტარები / 1 /
კარი ხომ არის მისტერ სანახაობა და მისი თამაში კალათბურთის ზეიმი, მაგრამ იოკიჩმაც საოცარი თამაში ჩაატარა მინესოტასთან: 61 ქულა სამმაგი დუბლით! რა მაგარია, ეს ხალხო რომ არსებობს და ყველას აიძულებს (კარგი გაგებით) მათზე და მათსავით უდიდესებზე აიღონ სწორება! ეეჰ, რა საოცრება იქნებოდა კარის მოედანზე ნახვა ლაივში!
მასტერს
13:16 02-04-2025
0

ასევე დაგაინტერესებთ
სიახლეები პოპულარული