გიორგი შერმადინისა და ვლადიმერ ბოისას "ოლიმპიამ" ადრიატიკის ლიგაზე ბოლო ორი ტური აღმაფრენით ჩაატარა და ტოპ-ოთხეულის (რეგულარული ეტაპიდან სწორედ ოთხი გადის) საგზურის მაძიებელი ორი გუნდი გზიდან ჩამოიცილა: ჯერ ჩერნოგორიაში "ბუდუჩნოსტს" სძლია, კვირას კი ხორვატიაში "ზაგრები" დაამარცხა - 89:85. მიუხედავად იმისა, რომ შერმადინს ჩვეული ეფექტურობით არ უთამაშია, მწვრთნელი მას ბოლო წუთებზეც ენდო (მეხუთე ფოლი ბოლო წამებზე მიიღო). გიორგის მონაგარი ასე გამოიყურებოდა: 16 წუთი, 2 ქულა (2-დან 1 ორქულიანი), 5 მოხსნა.
"ოლიმპიას" გამოცდილმა ქართველმა ვლადიმერ ბოისამ 4 წუთი ითამაშა.
რეგულარული ეტაპის დამთავრებამდე სამი
"ოლიმპია" მომდევნო შეხვედრას 8 მარტს ჩეხურ "ნიმბურკთან" ჩაატარებს.
.
