საქართველოს ეროვნული ნაკრების კაპიტანმა ზაზა ფაჩულიამ მიმდინარე რეგულარულ სეზონში მეოთხედ ითამაშა "ატლანტას" ძირითად ხუთეულში და მეოთხე ორმაგი დუბლი მიითვალა. "ატლანტამ" "ინდიანასთან" გასვლით მატჩში 102:114 წააგო. ფაჩულიამ კი 28:20 წუთი ითამაშა, 10 ქულა მოაგროვა და 11 მოხსნას 1 ჩაჭრაც მიამატა. ფაჩულიამ და ატლანტელთა ძირითადმა ცენტრმა ალ ჰორფორდმა ერთდროულად ითამაშეს ხუთეულში და მოედანზეც თითქმის ერთნარი დროით იმყოფებოდნენ. ფაჩულიამ 28:20 წუთს ითამაშა, ჰორფორდმა - 30:23, თუმცა ქართველი ცენტრი უფრო შედეგიანი იყო. ფაჩულიას გუნდისთვის მოგება-წაგებას არსებითი მნიშვნელობა აღარ აქვს, რადგან რეგულარული ჩემპიონატის დასრულებამდე 2
დარჩენილ ორ მატჩს "ატლანტა" ვაშინგტონში, მერე კი საკუთარ მოედანზე "მაიამისთან" გამართავს. მატჩები 9 და 11 აპრილს გაიმართება, რასაც მცირე დასვენება მოჰყვება და პლეი ოფიც დაიწყება, რომლის პირველ წრეში "ატლანტა" "ორლანდოს" დაუპირისპირდება.
მომზადებულია msy.gov.ge-ს მიხედვით
.
