საქართველოს ნაკრების კაპიტანმა ზაზა ფაჩულიამ წლევანდელ პლეი ოფში საუკეთესო მატჩი ჩაატარა - ჯეფ ტიგთან (21 ქულა) ერთად "ატლანტაში" საუკეთესო იყო, თუმცა ქართველის მიერ ჩაგდებულმა 13-მა ქულამ "ქორებს" "ჩიკაგო ბულზი" ვერ დაამარცხებინა. "ხარებმა" სერიის მეხუთე მატჩი 95:83 მოიგეს და 3:2 დაწინაურდნენ. მომდევნო შეხვედრა 12 მაისს "ატლანტას" "ფილიპს არენაზე" გაიმართება. წაგების შემთხვევაში ჯორჯიელები აღმოსავლეთის კონფერენციის ფინალს დაემშვიდობებიან, ხოლო თუ 12 მაისს იმარჯვეს, ყველაფერს სერიის ბოლო შეხვედრა გადაწყვეტს, რომელიც 15 მაისს ჩიკაგოშია დაგეგმილი.
"ჩიკაგო"-"ატლანტას" მეხუთე მატჩის ხილვის საშუალება ქართველ გულშემატკივარსაც ჰქონდა. ვინც ეს
ერთ ეპიზოდში ქართველმა კარლოს ბუზერს თავი გაუტეხა, თუმცა ბრძოლის მომენტი იყო და მსაჯებმა ჯარიმა არ დააფიქსირეს. გამოცემა SB Nation-ში ფაჩულიას მეორე პერიოდის ვარსკვლავი შემთხვევით როდი უწოდეს. მან პირველი ტაიმი 11 ქულით, 3 მოხსნით დაასრულა და მასპინძლებს სოლიდური ფორის მოპოვება არ დაანება.
მესამე პერიოდში თანაბარი თამაში გაჩაღდა. ამ მეოთხედში ზაზა მოედანზე რომ გამოვიდა "ჩიკაგო" 5 ქულით იგებდა, თუმცა ქართველმა სტუმართა ფარის მისადგომები კარგად გადაკეტა და მალე "ატლანტამ" "ჩიკაგოს" 65:64 გაასწრო. მას მერე, თამაში ქულა-ქულაში მიმდინარეობდა, ასეთი სიტუაცია იყო მეოთხე პერიოდის დასაწყისამდე, თუმცა სირენამდე 11:10 წუთით ადრე ფაჩულიამ მეოთხე ფოლი მიიღო და სათადარიგოთა სკამზე დაჯდა. შეიძლება ზაზა მოედანზე რომ ყოფილიყო, "ატლანტას" მაინც ვერ შეეჩერებინა მასპინძლები, მაგრამ ფაქტია, რომ სწორედ ფაჩულიას მოედნიდან გასვლის შემდეგ გაილაღეს ჩიკაგოელებმა, რაც უმთავრესად ფარქვეშ მოპოვებული უპირატესობის შედეგი იყო.
ფაჩულიას მონაგარს ქვემოთ გაეცნობით, აქ კი გეტყვით, რომ იგი ერთადერთი ატლანტელი იყო, რომლის მოედანზე ყოფნის დროსაც "ჰოქსი" უპირატესობას ინარჩუნებდა: +3
მატჩის შემდეგ ფაჩულიამ დაგვაიმედა:
- NBA-ს ნახევარფინალში გასვლის შანსი არ დაგვიკარგავს. მეხუთე მატჩი თანაბარ ბრძოლაში წარიმართა და გამოჩნდა, რომ "ჩიკაგოს" ძლევა შეგვიძლია. ამისთვის საჭიროა 48 წუთის განმავლობაში სწორი გზიდან არ გადავუხვიოთ. მომდევნო მატჩი ატლანტაშია და საკუთარი მოედნის უპირატესობა უნდა გამოვიყენოთ.
ჩიკაგო-ატლანტა 95:83
ზაზა ფაჩულია: 22:53 წუთი, 13 ქულა (6-დან 5 ორქულიანი, 4-დან 3 საჯარიმო), 4 მოხსნა, 1 პასი, 4 ფოლი
ქრონოლოგია
I პერიოდი
04:10 ზაზამ კოლინზი შეცვალა
03:20 მოხსნა: შეტ-1, დაც-0
03:18 ორქულიანი: 2ქ (17:22)
00:33 პასი: 1 (კროუფორდი 2ქ, 21:32)
II პერიოდი
11:30 ორქულიანი: 4ქ (23:32)
09:28 ორქულიანი: არაზუსტი
08:31 ჩატენვა: 6ქ (27:36)
07:27 ორქულიანი: 8ქ (30:36)
05:55 საჯარიმოები: 2/1 (9ქ, 31:40)
04:07 მოხსნა: შეტ-1, დაც-1
03:26 ფოლი: 1
03:00 საჯარიმოები: 2/2 (11ქ, 37:44)
01:55 მოხსნა: შეტ-1, დაც-2
00:34 კოლინზმა ზაზა შეცვალა
III პერიოდი
05:41 ზაზამ კოლინზი შეცვალა
04:47 მოხსნა: შეტ-1, დაც-3
03:13 ფოლი: 3
00:09 ორქულიანი: 13ქ (68:67)
IV პერიოდი
10:23 ფოლი: 4
10:23 სმიტმა ზაზა შეცვალა
