საქართველოს ნაკრების ფორვარდმა ნიკა ცქიტიშვილმა სეზონი მარტის ბოლოს დაასრულა - ესპანურ "ლაგუნ აროსთან" კონტრაქტი გაწყვიტა და თქვა - სეზონის ბოლომდე არსად ვითამაშებ, დავისვენებო. იგი ამჟამად თბილისშია და ინდივიდუალურად ემზადება.ორიოდე კვირის წინ ერთ-ერთი ვარჯიშის შემდეგ სკიტას დარბაზში მივაკითხეთ და ინტერვიუც შემოგთავაზეთ, რომლის ბოლოს რესპონდენტმა აღნიშნა:
- მენეჯერმა მითხრა, კარგი ამბები მაქვსო, მაგრამ არ დაუკონკრეტებია რომელ კლუბზეა ლაპარაკი.
რადგან 2010-11 წლების სეზონი ჯერ არ დასრულებულა, ტრანსფერზე ლაპარაკიც ადრეა. თუმცა ქართველი ფორვარდით დაინტერესებული გუნდების დასახელებას წინ არაფერი უდგას.
ჰოდა, ვაკონკრეტებთ: ბოლონიის "ვირტუსი",
"ვირტუსი" ურიგო ვარიანტი ნამდვილად არ არის, მაგრამ ბევრი რამაა საკითხავი. ჯერ ისიც არ გარკვეულა, დარჩება თუ არა სანიკიძე "ვირტუსში", რომელთან კონტრაქტი მიმდინარე სეზონის ბოლოს უმთავრდება.
