როგორც მოსალოდნელი იყო "მონტეპასკიმ" იტალიის ჩემპიონატი მოიგო - "კანტუს" ფინალურ სერიაში 4:1 სძლია. მართალია, ანგარიში 4:1 ერთი შეხედვით დიდ უპირატესობაზე მიუთითებს, მაგრამ რეალურად კანტუელებმა ფავორიტებს ყველა მატჩში ღირსეული წინააღმდეგობა გაუწიეს: ბოლო შეხვედრა 2 ქულის სხვაობით დათმეს (61:63), ბოლოსწინა - ოთხი ქულის სხვაობით (65:69), იმის წინ კი 80:71 გაიმარჯვეს...მანუჩარ მარკოიშვილი ფინალურ სერიას სათანადო კონდიციებში შეხვდა და საკვანძო ეპიზოდებში ლიდერის ფუნქციებსაც კისრულობდა. ასე იყო სიენაში გამართულ სერიის მეხუთე შეხვედრაშიც: საფინალო სირენამდე 10 წამი რჩებოდა, როცა მანუჩარმა ჯარიმის ტყორცნის უფლება მოიპოვა. იმ
მარკოიშვილმა გამოცემა "ბასკეტნეტისგან" 6.5-ბალიანი შეფასება მიიღო: "იგი მხოლოდ გადამწყვეტ მომენტებში ისროდა, "კანტუს" ზონური დაცვის მთავარი ფიგურა იყო". ასე და ამგვარად, მანუმ მეხუთე ფინალში 21 წუთში 7 ქულა (3-დან 0 ორქულიანი, 4-დან 2 სამიანი, 2-დან 1 საჯარიმო), 2 მოხსნა და 1 პასი მოაგროვა.
კანტუელთა ბომბარდირობა ვლადიმირ მიკოვმა (17 ქულა) და მაიკ გრინმა (13) ითავეს. მასპინძლებს კი მალიკ ჰაირსტონი გაუძღვა - 13 ქულა.
მარკოიშვილი მიმდინარე სეზონში გამართულ 22 მატჩში საშუალოდ 20.4 წუთში 10.8 ქულას, 2 მოხსნასა და 1.2 პასს აგროვებდა.
ყოველდღიური სპორტული გაზეთი "ლელო"
