ევროგუნდები განაწილდნენ

სამშაბათს გაიმართა ევროთასისა და ევროჩელენჯის შესარჩევი მატჩები. 8 წყვილში გამარჯვებულები ევროთასის ჯგუფურ ეტაპზე მოხვდნენ, ხოლო დამარცხებულები - ევროჩელენჯზე.

ქართველთათვის საინტერესო იყო სამი წყვილი: "გრან კანარია"-"არტლანდი", "მონსი"-"ბეშიქთაში" და "ლე მანი"-"კარშიაკა".

***
დავიწყოთ პირველით. ესპანურ "გრან კანარიაში" საქართველოს ნაკრების ნატურალიზებული კალათბურთელები თამაშობენ: ტორინ გრინი და მარკიზ ჰეინსი. მათმა გუნდმა სტუმრადაც დაამარცხა "არტლანდი" და კუნძულზეც. განმეორებით შეხვედრაში "გრან კანარიამ" მეორე ტაიმში გატეხა გერმანელები და საბოლოოდ 92:65 იმარჯვა.

მარკიზ ჰეინსი სასტარტო ხუთეულში იყო და სათამაშო დროც საკმარისად ჰქონდა: 29 წუთში 12 ქულა, 2 პასი და თითო მოხსნა-ჩაჭრა მოაგროვა. მან 7-დან 3 ორქულიანი, 4-დან 1 სამიანი და 4-დან 3 საჯარიმო გამოიყენა.

მატჩი სათადარიგოთა სკამიდან დაიწყო ჰეინსის თანაგუნდელმა, შედარებით სტაჟიანმა კანარელმა ტორინ გრინმა. 16 წუთში მან 3 სამქულიანი მიზანს ააცილა, მატჩი 1 ქულითა და 3 პასით დაასრულა.

"არტლანდის" ძლევის შედეგად "გრან კანარია" ევროთასზე გადავიდა. ჯგუფური ეტაპის წილისყრა 11 ოქტომბერს გაიმართება.

***
გუშინდელ ნომერში გაცნობეთ, რომ "არმიასთან" ევროჩელენჯის ჯგუფში მოხვდა თურქული "ბეშიქთაში", რომელმაც შინ მოპოვებული რვაქულიანი უპირატესობა (78:70) ბელგიაში გაანიავა და "მონსთან" 63:74 დამარცხდა. შესაბამისად, თურქები ითამაშებენ ევროჩელენჯზე, ბელგიელები - ევროთასზე.

ეს ის შემთხვევაა, როცა თამაშს არა სახელი, არამედ შეთამაშება იგებს. "ბეშიქთაში" არაერთი ვარსკვლავითაა "მოჭედილი", რომელთაგან მხოლოდ სამის ჩამოთვლაც საკმარისია: დერონ უილიამი, მარსელიუს კემპი და დევიდ ჰოუკინსი. ქართული "არმია" ამ შემადგენლობას სტამბოლში 15 ნოემბერს დაუპირისპირდება, ხოლო თბილისში 6 დეკემბერს უმასპინძლებს.

"ბეშიქთაშისა" და "არმიას" გარდა B ჯგუფში მოხვდნენ ჰოლანდიის ჩემპიონი "ლეიდენი" და გერმანიის "გოტინგენი".

ევროჩელენჯის ჯგუფური ეტაპი 8 ნოემბერს დაიწყება - გახსნით მატჩში "არმია" "გოტინგენს" მიიღებს.

***
თურქული "კარშიაკასა" და ფრანგული "ლე მანის" დაპირისპირება იმიტომ იყო საინტერესო, რომ ირკვეოდა "სოხუმის" შესაძლო მეტოქის ვინაობა. იმ შემთხვევაში, თუ აინარს ბაგაცკისის გუნდი "მინსკის" ბარიერს გადალახავს, ევროჩელენჯის G ჯგუფში მოხვდება, სადაც დახვდება "ბონი" (გერმანია), "ტურკ ტელეკომი" (თურქეთი) და "კარშიაკა" (თურქეთი). ამ უკანასკნელმა "ლე მანთან" შინ 73:80 წააგო, სტუმრად - 78:80 და ევროთასზე ადგილი ფრანგებს დაუთმო, თავად კი ევროჩელენჯზე გადავიდა.

ქართველები ევროტურნირებზე. ევროჩელენჯი

A ჯგუფი
ნიტრა (სლოვეკეთი), ოლდენბურგი (გერმანია), ფუენლაბრადა (ესპანეთი), ნორჩოპინგი (შვედეთი)

B ჯგუფი
არმია (საქართველო), გოტინგენი (გერმანია), ბეშიქთაში (თურქეთი), ლეიდენი (ჰოლანდია)

კალენდარი
8 ნოემბერი
19:00 არმია-გოტინგენი
20:30 ლეიდენი-ბეშიქთაში

15 ნოემბერი
19:30 გოტინგენი-ლეიდენი
20:30 ბეშიქთაში-არმია

22 ნოემბერი
19:00 არმია-ლეიდენი
20:30 ბეშიქთაში-გოტინგენი

29 ნოემბერი
19:30 გოტინგენი-არმია
20:30 ბეშიქთაში-ლეიდენი

6 დეკემბერი
19:00 არმია-ბეშიქთაში

7 დეკემბერი
20:00 ლეიდენი-გოტინგენი

13 დეკემბერი
19:30 გოტინგენი-ბეშიქთაში
20:30 ლეიდენი-არმია

C ჯგუფი
გოვერლა (უკრაინა), პარდუბიცე (ჩეხეთი), როანი (საფრანგეთი), პროსტეხოვი (ჩეხეთი)/აკადემიკი (ბულგარეთი)

D ჯგუფი
ხიმიკი (უკრაინა), ვენტსპილსი (ლატვია), ნიჟნი ნოვგოროდი (რუსეთი), ატომერომუ (უნგრეთი)/ტრაისკირხენი (ავსტრია)

E ჯგუფი
კლუჟი (რუმინეთი), შალონი (საფრანგეთი), ანტვერპენი (ბელგია), პრიმორიე (რუსეთი)/ენისეი (რუსეთი)

F ჯგუფი
აალსტარი (ბელგია), ოლინ ერდინე (თურქეთი), ეთა (კვიპროსი), ტრიუმფი (რუსეთი)/კრასნიე კრილია (რუსეთი)

G ჯგუფი
ტელეკომი (თურქეთი), ბონი (გერმანია), კარშიაკა (თურქეთი), სოხუმი (საქართველო)/მინსკი (ბელარუსი)

კალენდარი
8 ნოემბერი
20:30 სოხუმი/მინსკი-ბონი
20:30 ტელეკომი-კარშიაკა

15 ნოემბერი
20:30 კარშიაკა-სოხუმი/მინსკი

16 ნოემბერი
19:30 ბონი-ტელეკომი

22 ნოემბერი
20:30 სოხუმი/მინსკი-ტელეკომი
20:30 კარშიაკა-ბონი

29 ნოემბერი
20:30 კარშიაკა-ტელეკომი

30 ნოემბერი
19:30 ბონი-სოხუმი/მინსკი

6 დეკემბერი
20:30 ტელეკომი-ბონი
20:30 სოხუმი/მინსკი-კარშიაკა

13 დეკემბერი
20:30 ტელეკომი-სოხუმი/მინსკი
20:30 ბონი-კარშიაკა

H ჯგუფი
კერავნოსი (კვიპროსი), არტლანდი (გერმანია), პო ორტეზი (საფრანგეთი), ტამპერე (ფინეთი)/შჟოლნოკი (უნგრეთი)

მითითებულია ლოკალური დრო

ყოველდღიური სპორტული გაზეთი "ლელო"