"აველინოელთა ხელმძღვანელობამ გამოაცხადა, რომ გაისად გუნდში ქართველი უკანახაზელი მერაბ ბოქოლიშვილი ითამაშებს.
იგი 1992 წლის 27 თებერვალსაა დაბადებული და 198 სმ სიმაღლისაა. გასულ სეზონში ქართულ "სუპერლიგაში" "სამედიცინო/აკადემიას" ღირსებას იცავდა, ხოლო 2008-09 წლებში სსაუ-ს წევრი იყო.
ბოქოლიშვილი საქართველოს 16-წლამდელთა ნაკრებშიც თამაშობდა და 18-წლამდელებშიც. იგი თავიდან "აველინოს" 19-წლამდელთა გუნდს
გუნდის უფროსი ლუი ერკოლიო ქართველი უკანახაზელის შეძენის ფაქტს დადებითად აფასებს:
- წლეულს ახალი პროექტის განხორციელებას შევუდექით - დიდ ყურადღებას ვუთმობთ ჩვენს ახალგაზრდულ გუნდებს. სწორედ მათგან უნდა შეივსოს "აველინო". ამ მიმართულებით გადადგმული პირველი ნაბიჯი ქართველი ახალგაზრდის, მერაბ ბოქოლიშვილის შეძენაა."
