ვლადიმერ ბოისამ თავის ახალ კლუბ "პანიონიოსში" პირველი მატჩი ჩაატარა. ათენელებმა "კავალასთან" დამაჯერებლად მოიგეს - 87:64. საწყის ორ მეოთხედში "პანიონიოსის" კალათბურთელებმა 22-22 ქულა ჩააგდეს, მეტოქემ კი პირველ პერიოდში 15 ქულა მოაგროვა, მეორეში - 14. შესაბამისად, პირველი ტაიმი ბოისას თანაგუნდელებმა 44:29 მოიგეს და მეორე ტაიმში "კავალას" კალათბურთელებისთვის თამაშის შემოტრიალების შანსი არ მიუციათ.
ვლადიმერ ბოისა, რომელმაც საბერძნეთში 17-ნომრიანი მაისურა მოირგო, თამაშში მეორე პერიოდში ჩაერთო და მოედანზე სულ 11 წუთი გაატარა.
მართალია, ვოვამ მატჩი უქულოდ დაასრულა, მაგრამ ვერც იმას ვიტყვით, რომ დრო უქმად გაატარა
"პანიონიოსს" 12 ტურის შემდეგ 8 მოგება, 4 წაგება აქვს და სატურნირო ცხრილში მეოთხე ადგილზე მყარადაა. მომდევნო შეხვედრას ბოისას გუნდი 14 იანვარს კვლავ შინ გამართავს - "კოლოსოსს" დაუპირისპირდება.
ყოველდღიური სპორტული გაზეთი "ლელო"
