გიორგი შერმადინმა იტალიის სერია A-ში პირადი რეკორდი დაამყარა. რაც "კანტუში" თამაშობს, ქართველი ცენტრის საუკეთესო შედეგი 14 ქულა იყო, რომელიც შერმადინმა იტალიის ჩემპიონატში ორჯერ დააგროვა. 17 მარტს გამართულ მორიგი ტურის მატჩში კი, "რომას" წინააღმდეგ გიორგიმ 18 ქულა მიითვალა, მატჩის საუკეთესო მოთამაშე გახდა და თავის გუნდსაც მოაგებინა. კანტუელებმა დედაქალაქელები დაძაბულ ბრძოლაში, ანგარიშით 73:72 დაამარცხეს.
შერმადინი სასტარტო ხუთეულში იყო და 18 ქულის მოსაგროვებლად მხოლოდ 18 წუთი დასჭირდა. ამ ხნის განმავლობაში ქართველმა ცენტრმა 9-დან 6 ორქულიანი და 6-დან 6 საჯარიმო ჩააგდო. 18 ქულასთან ერთად
მანუჩარ მარკოიშვილი თამაშში სათადარიგოთა სკამიდან ჩაება და მოედანზე გატარებულ 26 წუთში 6 ქულა, 5 მოხსნა და 1 აპსი მიითვალა. მანუჩარმა 6-დან 3 ორქულიანი ჩააგდო, 3 სამიანი კი ააცილა. ამ ტურის შემდეგ "კანტუს" 15 გამარჯვება და 8 მარცხი აქვს. ამ შედეგით ქართველების გუნდი მეორე ადგილზე იმყოფება.
18 მარტს თამაშობს მესამეზე მყოფი ნიკა მეტრეველის "სასარი", რომელიც გასვლაზე "ტერამოს" ხვდება და თუ მოიგო, "კანტუს" ოდენ გაუთანაბრდება.
ვიქტორ სანიკიძის "კანადიან სოლარი" ამ ტურში ისვენებს.
gbf.ge
