დრამატული გამოდგა ბელგიის ჩემპიონატის ფინალური სერიის მესამე მატჩი, რომელშიც "შარლერუამ" სტუმრად "ოოსტენდესთან" 79:82 დათმო. იყო მომენტი, როცა შარლერუელები 8 ქულითაც დაწინაურდნენ, მაგრამ გადამწყვეტ მომენტში "ოოსტენდემ" მეტი სიზუსტე გამოავლინა და სერიაში წინ გაიჭრა - 2:1.
სტუმართა ქართველმა თავდამსხმელმა თორნიკე შენგელიამ შეხვედრის ბოლო წუთები მოედანზე გაატარა. მან 18 წუთში 8 ქულა (8-დან 4 ორქულიანი), 5 მოხსნა და 1 პასი მოაგროვა.
"ოოსტენდეს" გამარჯვება 27-ქულიანი კენი ვინსტონის დამსახურებაა.
* * *
იტალიის ჩემპიონატში რა ანგარიშითაც მოიგო მეოთხედფინალი "დინამო სასარიმ", იმ ანგარიშით წააგო ნახევარფინალი -
შეგახსენებთ, რომ მეოთხედფინალში სარდინიელთა მეტოქე ვიქტორ სანიკიძის "ვირტუსი" იყო, ხოლო ნახევარფინალიდან "დინამო" სიენას
"მონტეპასკიმ" გამოთიშა. სერიის მესამე შეხვედრა სიენელებმა კუნძულზე 79:64 მოიგეს.
ამ მატჩში დინამოელთა ფორვარდმა ნიკა მეტრეველმა მხოლოდ ერთი წუთი ითამაშა. საქართველოს ნაკრების ყოფილმა წევრმა, ქუინტონ ჰოსლიმ "დინამოელებს" 13 ქულა მოუტანა.
ცოტა დააკლდათ (იბეჭდება მცირე ცვლილებით)
ყოველდღიური სპორტული გაზეთი "ლელო"
