გამოცემა "ტუტობასკეტში" შეხვედრის მიმოხილვა ასე იწყება: "ბოლონიელებმა იციან, რომ 10 ოქტომბერს იტალიის სუპერთასზე ძლიერი მეტოქე ელით - სიენას "მონტეპასკი". ამ მატჩისთვის "ვირტუსის" კალათბურთელები განსაკუთრებულად ემზადებიან, ცდილობენ, ყველა მატჩში აგრესიული კალათბურთი ითამაშონ და დაცვაში ნაკლები შეცდომა დაუშვან. სწორედ ასეთი შეხვედრა გამოუვიდათ ევროლიგის წარმომადგენელ "არმანისთან" - მეტოქე პირველივე ტაიმში გატეხეს. წლეულს "ვირტუსის" მთავარი ვარსკვლავი ვიქტორ სანიკიძეა, მასთან ერთად მილანელების ძლევაში დიდი წვლილი შეიტანეს უინსტონმა და კემპმა."
ბოლონიელთაგან
ზემოთ ნახსენებ ინტერნეტ-გაზეთში ვიქტორს ყველაზე მეტი, 7 ბალი აქვს (10-ქულიანი შეფასებით). გვერდით ასეთი განმარტებაა: "ქართველმა თავდამსხმელმა ბოლონიელთა თამაშს დიდი ენერგია შემატა. დაცვაში დამაჯერებელი იყო თავისი დაფარებებით. ნაყოფიერად გაისარჯა იყო შეტევისასაც - სანიკიძის ანგარიშზე მნიშვნელოვანი სამქულიანია. სადაც ბრძოლაა, "ვირტუსის" მე-13 ნომერიც იქაა".
როგორც იტყვიან, კომენტარი ზედმეტია.
