"პანათინაიკოსის" თავკაცი ჟელკო ობრადოვიჩი სეზონის წინ ექსპერიმენტებს მიმართავს, რაც პირველ რიგში გუნდის წინა ხაზს ეხება. მან ამასწინანდელ ინტერვიუშიც აღნიშნა, რომ ტანმაღალი კალათბურთელების მდიდარი არჩევანი აქვს და მოსკოვურ ტურნირზე გამოჩნდა, რომ ჯერ არ გადაუწყვეტია, ვის რა ფუნქციას დააკისრებს. ობრადოვიჩმა "ჟალგირისთან" მატჩის სასტარტო ხუთეულში გიორგი შერმადინი დააყენა და 16 წუთი ათამაშა. ქართველმა გოლიათმა 4 ქულა, 3 მოხსნა და
მესამე ადგილისთვის მატჩში რუსულ საიტებზე გიორგი შერმადინის გასწვრივ 18 ქულა ეწერა. მაგრამ ვიდრე გაგიხარდებოდეთ, გეტყვით, რომ რუსები შეცდნენ. მათ განაცხადში გვარი აერიათ და ვუგიუკასის ნაცვლად შერმადინი დაწერეს. ასე რომ, ის 18 ქულაც ვუგიუკასის კუთვნილებაა. გიორგი განაცხადში ვერ მოხვდა. მწვრთნელმა არც გამოცდილი მეფარე მაიკ ბატისტი დატვირთა - 5 წუთი ათამაშა.
რა ადგილს დაიკავებს გიორგი შერმადინი ამ ფორმაციის "პანათინაიკოსში", შეიძლება, თავად ობრადოვიჩმაც არ იცის. დაველოდოთ ოფიციალურ შეხვედრებს და ყველაფერი მაშინ გამოჩნდება.
