ზაზა ფაჩულიას "ატლანტა ჰოქსმა" "ინდიანასთან" სტუმრად ითამაშა და ოთხი ქულის სხვაობით დამარცხდა. 
ვიდეო მწვრთნელმა ლარი დრიუმ ქართველი ცენტრი სასტარტო ხუთეულში გაამწესა და 30 წუთი ათამაშა.
შეხვედრის დასრულებას ზუსტად წამი აკლდა, რომ ფაჩულიამ მეექვსე ჯარიმა მიიღო და მოედნის დატოვება მოუწია.
მის მონაგარს ქვემოთაც შეხვდებით, აქ კი ერთ ეფექტურ მომენტზე გავამახვილებთ ყურადღებას: საფინალო სირენამდე 3 წუთით ადრე მან ჰანსბურგს ჩაუჭრა და სახით საკუთარი კალათისკენ მდგომმა ბურთი თავსზემოდან მეტოქის საჯარიმოსკენ გაქცეულ ტოლივერს გადაუგდო. პასი ეფექტური გამოვიდა (იხილეთ ვიდეო).
"ატლანტა" 18 ოქტომბერს "ნიუ ორლეანს" უმასპინძლებს.
ზაზა ფაჩულია: 30 წუთი, 6 ქულა (7/2 ორქულიანი, 4/2 საჯარიმო), 7 მოხსნა, 2 პასი, 3 ჩაჭრა, 1 შეცდომა, 6 ფოლი.
ყოველდღიური სპორტული გაზეთი "ლელო"
