"ატლანტა ჰოუქსი" ისევ აგებს, თუმცა ცხრილში მე-3 ადგილს ინარჩუნებს. ზაზა ფაჩულიას გუნდმა აქამდე იმდენი მოგება დააგროვა, რომ ზედიზედ ორმა მარცხმა სატურნირო თვალსაზრისით არ დააზარალა. "ქორებმა" უიმედოდ წააგეს თანაკონფერენციელ "ფილადელფიასთან", რომელიც ამ მატჩამდე აღმოსავლეთში მე-10 იყო.
ატლანტელებმა მხოლოდ მეორე მეოთხედი მოიგეს, ისიც 1 ქულით, თუმცა დანარჩენ სამში დამარცხდნენ და საბოლოოდ მატჩი 80:99 დათმეს.
ჩვეულად ვერ გაისარჯა "ქორების" ცენტრალური თავდამსხმელი ალ ჰორფორდი, რომელმაც თამაშიდან მხოლოდ 10-ში 2 სროლა ჩააგდო და საბოლოოდ 7 ქულასა და 8 მოხსნას დასჯერდა.
ფაჩულია სათდარიგო იყო, თუმცა თამაშმა
საქართველოს ნაკრების კაპიტანმა 7-დან 4 ორქულიანი და 1-დან 1 საჯარიმო ჩააგდო და მთლიანობაში 9 ქულა, 8 მოხსნა, 2 პასი და 2 ჩაჭრა მოაგროვა.
ფაჩულია ატლანტელთაგან ერთ-ერთი საუკეთესო იყო.
15 მოგებითა და 9 მარცხით, როგორც თავშივე ვთქვით, "ატლანტა" აღმოსავლეთში კვლავ მესამე ადგილზეა.
მომდევნო მატჩი ფაჩულიას გუნდს 23 დეკემბერს, შინაურ არენაზე, "ჩიკაგოს" წინააღმდეგ ელის.
www.gbf.ge
ასევე იხილეთ:
ქართველი სპორტსმენები სოც-ქსელებში - WHE HAVE OUR OWN MESSI. GIO#11
ზაზა ფაჩულიამ "ოკლაჰომასთან" 6 ქულა და 10 მოხსნა მიითვალა
