თორნიკე შენგელიას სამმაგი დუბლი და დაბრუნება "ბრუკლინში"

თორ­ნი­კე შენ­გე­ლია "ბრუკ­ლინ ნეთ­სის" მწვრთნელ­მა ეივე­რი ჯონ­სონ­მა გან­ვი­თა­რე­ბის ლი­გა­ში გა­უშ­ვა და თქვა - 2-3 თა­მა­შის შემ­დეგ უკან და­ვიბ­რუ­ნებ­თო. თუმ­ცა "ბე­ი­ჰო­უქ­სი"-"სპრინ­გ­ფილ­დის" მატ­ჩ­ში თო­კომ იმ­დე­ნად ეფექ­ტუ­რად ითა­მა­შა, რომ იგი უმალ "ნეთ­ს­ში" და­აბ­რუ­ნეს და "ფი­ლა­დელ­ფი­ას­თან" გა­სა­მარ­თი მატ­ჩის­თ­ვის მზა­დე­ბის პრო­ცეს­ში ჩარ­თეს.

მა­ინც რა გა­ა­კე­თა შენ­გე­ლი­ამ? - იკითხავთ. ჯერ მატ­ჩის ან­გა­რიშს მო­გახ­სე­ნებთ - თო­კოს "სპრინ­გ­ფილ­დ­მა" 119:127 დათ­მო. ქარ­თ­ველ­მა თავ­დამ­ს­ხ­მელ­მა 42 წუ­თი ითა­მა­შა, 22 ქუ­ლა, 10 მოხ­ს­ნა და 12 შე­დე­გი­ა­ნი გა­და­ცე­მა მი­ით­ვა­ლა. სამ კომ­პო­ნენ­ტ­ში 10-იანი ზღვრის გა­და­ბი­ჯე­ბა იშ­ვი­ა­თი შემ­თხ­ვე­ვაა და სამ­მა­გი დუბ­ლი ეწო­დე­ბა.

გარ­და ამი­სა, მის ან­გა­რიშ­ზე იყო 3 ჩაჭ­რა და ამ­დე­ნი­ვე და­ფა­რე­ბა. შენ­გე­ლი­ამ 6-დან 2 სამ­ქუ­ლი­ა­ნი, 9-დან 4 ორ­ქუ­ლი­ა­ნი და 13-დან 8 სა­ჯა­რი­მო გა­მო­ი­ყე­ნა.

გან­ვი­თა­რე­ბის ლი­გა­ში ქარ­თ­ველ­თან ერ­თად გა­და­სულ­მა ტა­ი­შონ ტე­ი­ლორ­მა 32 ქუ­ლას მო­უ­ყა­რა თა­ვი.

* * *
აი, რა და­წე­რა გა­ზეთ "ნიუ იორკ პოს­ტის" ჟურ­ნა­ლის­ტ­მა ტიმ ბონ­ტამ­პ­ს­მა, რო­მელ­მაც "სპრინ­გ­ფილ­დის" მატ­ჩი იხი­ლა:

"შენ­გე­ლი­ამ დაგ­ვა­ნა­ხა, რომ მრა­ვა­ლ­მხ­რი­ვი კა­ლათ­ბურ­თე­ლია. სა­ზაფხუ­ლო ლი­გის შემ­დეგ სწო­რედ ამი­ტომ აიყ­ვა­ნა იგი "ბრუკ­ლინ ნეთ­ს­მა".

ტან­მა­ღა­ლია (207 სმ), თუმ­ცა ამის მი­უ­ხე­და­ვად, ბურთს კარ­გად ფლობს. შენ­გე­ლი­ას შეს­რუ­ლე­ბით ვი­ხი­ლეთ ეფექ­ტუ­რი პა­სე­ბი, ფარ­ქ­ვეშ შეს­ვ­ლე­ბი და ლა­მა­ზად, ტრი­ალ­ში ჩაგ­დე­ბუ­ლი ბურ­თე­ბი.

მარ­ჯ­ვე­ნა ხე­ლით ჩა­ტენ­ვა კი მატ­ჩის ერთ-ერ­თი გა­მორ­ჩე­უ­ლი მო­მენ­ტი იყო. ისიც უნ­და აღი­ნიშ­ნოს, რომ ქარ­თ­ვე­ლი ფორ­ვარ­დი არა­ერ­თხელ დარ­ჩა თა­ვი­სუ­ფალ პო­ზი­ცი­ა­ში, თუმ­ცა ბურ­თი არ მი­უ­ღია."

- ძნე­ლია მატ­ჩის სა­თა­და­რი­გო­თა სკა­მი­დან ყუ­რე­ბა. თუმ­ცა "ბრუკ­ლინ­ში" რომ გა­დავ­დი­ო­დი, ვი­ცო­დი, თა­ვი­დან დი­დი სა­თა­მა­შო დრო არ მექ­ნე­ბო­და. ვცდი­ლობ ვის­წავ­ლო, NBA-ს სა­თა­ნა­დოდ ავუ­ღო ალ­ღო, რა­თა თა­მა­შის შან­სი რომ გა­მო­მიჩ­ნ­დე­ბა, ყო­ველ­მ­ხ­რივ მომ­ზა­დე­ბუ­ლი ვი­ყო, - ასე­თი კო­მენ­ტა­რი გა­ა­კე­თა თორ­ნი­კე შენ­გე­ლი­ამ.

"სპრინ­გ­ფილდ არ­მო­რის" მთა­ვა­რი მწვრთნე­ლი ბობ მაქ­კი­ნო­ნი ტა­ი­შო­ნი­სა და თორ­ნი­კეს თა­მა­შით აღ­ფ­რ­თო­ვა­ნე­ბუ­ლი დარ­ჩა:

- მათ დი­დე­ბუ­ლი მო­მა­ვა­ლი აქვთ. მა­ლე ის­წავ­ლი­ან, რო­გორ ითა­მა­შონ NBA-ში და დარ­წ­მუ­ნე­ბუ­ლი ვარ, ჩა­მო­ყა­ლიბ­დე­ბი­ან ნა­ცი­ო­ნა­ლუ­რი ასო­ცი­ა­ცი­ის სო­ლი­დურ კა­ლათ­ბურ­თე­ლე­ბად.

"სპრინ­გ­ფილ­დ­მა" მომ­დევ­ნო დღეს "რედ ან­ტ­ს­თან" 107:101 გა­ი­მარ­ჯ­ვა. იმ მატ­ჩის გა­ნაცხად­ში არც ტე­ი­ლო­რი იყო და არც შენ­გე­ლია. ისი­ნი "ბრუკ­ლი­ნის" მა­ი­სუ­რით "ფი­ლა­დელ­ფი­ის­თ­ვის" ემ­ზა­დე­ბოდ­ნენ.

განვითარების ლიგაში ერთი მატჩის ჩატარების შემდეგ იგი "ბრუკლინს" დაუბრუნდა და მოედანზე გასვლაც მოუწია.

ოღონდ იმ განსხვავებით, რომ თუკი აქამდე თორნიკე მატჩის ბოლოს ერთვებოდა თამაშში, როცა ყველაფერი გადაწყვეტილი იყო, ახლა ის პირველივე მეოთხედში გამოჩნდა მოედანზე.

განვითარების ლიგაში სამმაგი დუბლის მითვლამ ქართველი კალათბურთელის მიმართ გულშემატკივართა ინტერესი და გრძნობები კიდევ უფრო გაზარდა და როცა ის 23 დეკემბერს, ღამით, "ფილადელფიასთან" მატჩის პირველ მეოთხედში მოედანზე გამოჩნდა, მაყურებელი შენგელიას მხურვალე ოვაციით შეხვდა.

პირველი მეოთხედის დასრულებამდე 1,44 წუთით ადრე თორნიკემ ბრუკლინელთა ლიდერთაგანი ჯო ჯონსონი შეცვალა და მოედანზე მომდევნო 3,20 წუთის განმავლობაში დარჩა.

ამ დროში შენგელიამ 1 მოხსნა, 1 პასი და 1 გარბენი გააკეთა, ფარისთვის კი არ შეუტევია. მეორე მეოთხედის ახალდაწყებულზე ჯონსონი მოედანზე ქართველი ფორვარდის ნაცვლად დაბრუნდა და ამის შემდეგ თოკო მოედანზე აღარ გამოჩენილა.

მატჩი დაძაბული იყო და მისი ბედი ბოლო წამებზე, ბრუკლინელთა სასარგებლოდ გადაწყდა - 95:92.

"ბრუკლინს" 14 მოგება და 12 მარცხი აქვს, რაც აღმოსავლეთ კონფერენციაში მე-7 ადგილის ტოლფასია. მომდევნო მატჩი ბრუკლინელებს 25 დეკემბერს შინ, "ბოსტონთან" ელის.

ყოველდღიური სპორტული გაზეთი "ლელო"