ზაზა ფაჩულიამ აგვისტოში, ბელგიასთან მატჩის წინ დანანებით აღნიშნა - ცუდია, დიდიე მბენგა რომ არ იქნება, NBA-ს კალათბურთელების წინააღმდეგ თამაში ყოველთვის მსიამოვნებსო. არ უნდა დაგვავიწყდეს, რომ მბენგას არყოფნაში ბელგიის ნაკრებში ნატურალიზებული კალათბურთელის ადგილი მარკუს ფეისონმა შეავსო. რაოდენ დიდი წვლილი შეიტანა მარკუსმა ბელგიელთა წარმატებაში, ეს ქართველ გულშემატკივარსაც ახსოვს. თუმცა შეიძლება გაუკვირდეს - რა შუაშია ბელგია და NBA-ს საგამოფენო მატჩი. საქმე ისაა, რომ ზაზა ფაჩულიამ დიდიე მბენგას წინააღმდეგ ითამაშა და კიდევ ერთხელ დავრწმუნდით, რომ გაცილებით უკეთესი იქნებოდა, საქართველოში მბენგა ჩამოსულიყო, ვიდრე ფეისონი.
დიდიე
დაცვითი სტილის ცენტრია (ერთხელ ზაზასაც დაუფარა), რომელსაც მწვრთნელები ძლიერი მოწინააღმდეგეების განეიტრალებას სთხოვენ, შეტევაში კი ბევრით ვერაფრით გამოირჩევა (2 ქულა, 1 მოხსნა). აქვე ისიც უნდა ითქვას, რომ "ნიუ ორლეანთან" დამაგვირგვინებელ ფაზაში ვერც ფაჩულიამ იყოჩაღა - ოთხივე ორქულიანი ააცილა. თუმცა, მბენგასგან განსხვავებით, ზაზამ წინა შეხვედრებშიც და განვლილ სეზონებშიც დაამტკიცა, რომ იმ ტიპის ცენტრებს მიეკუთვნება, რომლებსაც შეტევის ზუსტი სროლით დასრულება ძალუძთ. ეს პოლონელ მარცინ გორტატთან ურთიერთშეხვედრისას 2 აგვისტოსაც ვნახეთ. სხვათა შორის, ქართველ ცენტრს დღესვე კიდევ ერთხელ მოუწევს გორტატთან თამაში - "ატლანტა" "ორლანდო მეჯიქს" მიიღებს.
ვიდრე სტატისტიკას დახედავდეთ, გეტყვით, რომ "ნიუ ორლეანთან" გამარჯვება "ატლანტა ჰოქსის" სეზონის პირველი მოგება იყო, გუნდის თავკაც ლარი დრიუსთვის კი მთავარი მწვრთნელის პოსტზე პირველი წარმატება...
ნიუ ორლეანი-ატლანტა 74:84ზაზა ფაჩულია: 16 წუთი, 1 ქულა, 4 მოხსნა, 1 ჩაჭრა, 1 ფოლი, 3 შეცდომა
ქრონოლოგია
I პერიოდი
01:44 ზაზამ ჰორფორდი შეცვალა
01:43 მოხსნა: შეტ-0, დაც-1
00:43 მოხსნა: შეტ-0, დაც-2
00:31 შეცდომა: 1 (ბურთი დაკარგა)
II პერიოდი
10:43 ორქულიანი: არაზუსტი
10:12 ორქულიანი: არაზუსტი
10:07 ფოლი: 1
09:46 მოხსნა: შეტ-0, დაც-3
09:01 ჩაჭრა: 1 (სტოიაკოვიჩს ჩაუჭრა)
08:13 ორქულიანი: არაზუსტი
06:13 სმიტმა ზაზა შეცვალა
00:27 ზაზამ სმიტი შეცვალა
III პერიოდი
03:58 ზაზამ უილიამსი შეცვალა
03:24 საჯარიმოები: 2/0
00:29 მოხსნა: შეტ-0, დაც-4
IV პერიოდი
10:41 ორქულიანი: არაზუსტი
10:29 შეცდომა: 2 (ბურთი დაკარგა)
10:03 ფოლი: 1
09:46 საჯარიმოები: 2/1 (1ქ, 66:62)
08:33 შეცდომა: 3 (ბურთი დაკარგა)
07:45 ჰორფორდმა ზაზა შეცვალა
