ზოგადიდან კონკრეტულზე გადავიდეთ. მართალია, კვანძი მეოთხე პერიოდში გაიხსნა, მაგრამ ორიოდე სიტყვით წინა სამ მეოთხედსაც უნდა შევეხოთ. ერთ-ერთ იტალიურ საიტზე ეწერა - "ვირტუსმა" მწვრთნელ, ლარდო ლინოს
25-ე წუთამდე თანაბარი თამაში მიმდინარეობდა. მესამე პერიოდში, როცა მარკოიშვილი მოედანზე დაბრუნდა, ტაბლოზე მისი გუნდის სასარგებლოდ 35:34 ეწერა. ქართველმა უკანახაზელმა მისიანების თამაშშიახალი ენერგია შეიტანა და "კანტუ" 19:2 გაიქცა (54:38). ამ სპურტისას მანუჩარმა 6 ქულა ჩააგდო, ხოლო "ვირტუსის" ორად-ორი ქულა სანიკიძის ორი ჯარიმის შედეგი იყო. მესამე პარიოდის ბოლო წამებზე ვირტუსელმა პოეტამ ერთი საჯარიმო გამოიყენა და მასპინძლები მეოთხე პერიოდს 15-ქულიანი ჩამორჩენით შეხვდნენ.
ბოლო რაუნდის მესამე წუთისთვის ტრინჩიერიმ მანუჩარის დასვენება გადაწყვიტა და სათადარიგოთა შორის დააბრუნა. 35 წუთისთვის "კანტუ" 9 ქულის სხვაობით იგებდა, როცა სანიკიძემ ჯერ ორქულიანი ჩააგდო, შემდეგ სამიანი და ჩამორჩენა 4 ქულამდე შეამცირა - 51:55. მისმა თამაშმა მასპინძლებს გამარჯვების იმედი დაუბრუნა, ხოლო "კანტუს" მწვრთნელი იძულებული გახდა, მოედანზე მარკოიშვილი გაეყვანა. სირენამდე 3 წუთით ადრე კემპმა ანგარიში გაათანაბრა - 57:57. ამის შემდეგ თამაში ქულა-ქულაში გაჩაღდა... ერთი მხრიდან ვიქტორი აგდებდა, მეორე მხრიდან - მარკოიშვილი. საინტერესო სანახავია ბოლო წამების ქრონოლოგია:
37-ე წუთი
სანიკიძე 2ქ (59:59)
38-ე წუთი
გრინი 1+1 (59:61)
ამოროსო 2ქ (61:61, პასი სანიკიძე)
მარკოიშვილი 1ქ (61:62)
გრინი 1+1 (61:64)
39-ე წუთი
სანიკიძე შეტევითი მოხსნა
სანიკიძე 1+1 (63:64)
მარკოიშვილი 2ქ (63:66)
წუთშესვენება (ბოლონია)
პოეტა 1+1 (65:66)
სანიკიძე დაცვითი მოხსნა
სანიკიძე შეტევითი მოხსნა
კოპონენი 3 ქ (68:66)
საინტერესო დეტალი: კოპონენს სამქულიანი რომ არ ჩაეგდო, გამარჯვება "კანტუს" დარჩებოდა და მატჩის გმირი 66-ე ქულის ჩამგდები მარკოიშვილი გახდებოდა. კოპონენის სამიანმა კი შეხვედრის საუკეთესოდ ვიქტორის აღიარება გამოიწვია, პეტრის სწორედ სანიკიძის შეტევითი მოხსნის წყალობით მიეცა შორეული ტყორცნის საშუალება.
იტალიურ მიმოხილვებში ხაზგასმულია არა ვიქტორის საბოლოო მონაგარი, არამედ მისი მეოთხე პერიოდის სტატისტიკა: 9 ქულა (ასპროცენტიანი სიზუსტე), 7 მოხსნა. ჩვენ სანიკიძის სრულ მონაგარს შემოგთავაზებთ - 22 წუთი, 11 ქულა (2-დან 2 ორქულიანი, 2-დან 1 სამიანი, 4-დან 4 საჯარიმო), 9 მოხსნა, 1 პასი.
ახლა მარკოიშვილის მონაგარს გავეცნოთ: 24 წუთი, 13 ქულა (7-დან 5 ორქულიანი, 4-დან 3 საჯარიმო), 4 მოხსნა, 1 პასი.
გამოცემა "ბასკეტნეტში" მატჩის მონაწილე ყველა კალათბურთელია შეფასებული. სანიკიძეს 7 ბალი უწერია (მის თანაგუნდელ კემპს 7.5): "მეოთხე პერიოდში ლარდო ლინომ ჯარედ ჰოუმანს ვიქტორ სანიკიძე ამჯობინა. შესაბამისად, "ვირტუსი" უფრო მობილური გახდა. სანიკიძის კარგი თამაში მასპინძელთა გამარჯვებისთვის გადამწყვეტი აღმოჩნდა."
იმავე საიტზე მანუჩარის გარჯა 6.5 ბალითაა შეფასებული: "მარკოიშვილი გადამწყვეტ მომენტში თანაგუნდელებს კარგად დაეხმარა, ბევრი იშრომა როგორც შეტევაში, ასევე დაცვაში..."
გაზეთ "ოლრაუნდის" ჟურნალისტ ანდრეა ჩეზარის მატჩის საუკეთესო კალათბურთელის გამორჩევა გაუჭირდა, თუმცა არჩევანი ვიქტორ სანიკიძეზე შეაჩერა: "ბოლონიელებს კემპი და პოეტა რომ არ ჰყოლოდათ, პირველივე ტაიმში წააგებდნენ, თუმცა საუკეთესო უდავოდ სანიკიძე იყო, რომელმაც მეოთხე ტაიმში "კანტუ" დაანგრია: 9 ქულა, 7 მოხსნა (რომელთაგან 4 შეტევითი იყო) მოაგროვა, გადამწყვეტ მომენტში მეტოქის ფარიდან ბურთი სწორედ სანიკიძემ მოხსნა და კოპონენს გამარჯვების მომტანი სამქულიანი ჩააგდებინა."
იტალიის მეორე ლიგაში ნიკა მეტრეველის "რიმინიმ" სტუმრად "ფორლი" დაამარცხა - 65:53.
ქართველმა ახალგაზრდამ 15 წუთში 2 ქულა, 3 მოხსნა და 1 დაფარება მოაგროვა.
