ფიბა-ევროპის ოფიციალურ საიტზე გამოქვეყნდა სტატია ბოსნიელი სნაიპერის მირზა ტელეტოვიჩის შესახებ. მას საქართველოს ნაკრების გულშემატკივარიც კარგად იცნობს და ისიც მოგეხსენებათ, რომ ამერიკულ "ბრუკლინ ნეთსში" თორნიკე შენგელიას თანაგუნდელია.
პუბლიკაცია რამდენიმე ქვეთავადაა დაყოფილი, რომელთაგან ერთ-ერთი მთლიანად ქართველებს ეხება.
როგორც თავად ამბობს, მირზა ტელეტოვიჩი ახალი თანაგუნლელებიდან ყველაზე ახლოს ქართველ თორნიკე შენგელიასთანაა.
- მე და თოკოს ბევრი საერთო გვაქვს. ორივე ესპანეთში ვთამაშობდით. ამ ზაფხულს საქართველოსა და ბოსნიის ნაკრებები ევრობასკეტის შესარჩევ ეტაპზე ერთ ჯგუფში იყვნენ. ურთიერთშეხვედრებისას შენგელიასაც ველაპარაკე და ზაზა ფაჩულიასაც.
ტელეტოვიჩი ახალგაზრდა თანაგუნდელს ასე ახასიათებს:
დარწმუნებული ვარ, თოკო მალე დაამტკიცებს, რომ ძალიან კარგი კალათბურთელია.
ყოველდღიური სპორტული გაზეთი "ლელო"
