CNN: ზაზა ფაჩულიას "პორტლენდი" ელაპარაკება!

საქართველოს ნაკრების ლიდერი ზაზა ფაჩულია 1-ელი ივლისიდან თავისუფალი აგენტი გახდა.

"ატლანტა ჰოქსის" ცენტრს უფლება აქვს, ლიგის ნებისმიერ კლუბს მოელაპარაკოს.

და აი, CNN-ის ჟურნალისტი კრის ჰეინესი წერს, რომ ქართველ კალათბურთელთან მოლაპარაკება "პორტლენდმა" დაიწყო.

"პორტლენდი" დაუკავშირდა თავისუფალ აგენტ ზაზა ფაჩულიას. როგორც ლიგის წარმომადგენელმა წყარომ განგვიცხადა, დიალოგი გაგრძელდება", - წერს ჰეინესი.

"პორტლენდი" ცენტრფორვარდის პოზიციაზე გაძლიერებას აპირებს. ამ გუნდს, ფაჩულიას გარდა, კრის კამანთან, ტიაგო სპლიტერთან და ნიკოლა პეკოვიჩთანაც აკავშირებენ.

შეგახსენებთ, რომ ბოლო 8 სეზონი ზაზამ "ატლანტაში" გაატარა. ბოლო 6 სეზონია, ჯორჯიის შტატის გუნდი პლეი ოფში გადის.

ასევე იხილეთ:
ზაზა ფაჩულია იგორ კოკოშკოვთან, "კლივლენდში"?