ნამატჩევს ლარი დრიუმ თქვა:
- სათადარიგოთა სკამიდან ენერგია ვერ მივიღეთ. ვეცდები, ისეთი კომბინაციები მოვიფიქრო, რომ ამ მხრივ სიტუაცია გამოსწორდეს.
ამ ფრაზას NBA-ს საიტზე მატჩის მიმომხილველი გამოეხმაურა: "მწვრთნელი გულისხმობდა სამი პერიოდის შედეგების მიხედვით სათადარიგოთა ნაკლებად ეფექტურ თამაშს. შემცვლელებმა სულ 47 ქულა ჩააგდეს, საიდანაც 32 მეოთხე პერიოდში მოაგროვეს. თუმცა ერთ ფაქტს ვერსად გავექცევით: ცენტრმა ზაზა ფაჩულიამ 16 ქულა მიითვალა და "ჰოქსის" სნაიპერი გახდა."
შარშან "ატლანტამ" პლეი ოფის პირველი ეტაპიდან სწორედ მილუოკელი "ხარირმები" გამოთიშა. ჯორჯიელებმა გუშინდელი მატჩიც დამაჯერებლად დაიწყეს, საკუთარი გულშემატკივრის წინაშე დასამტკიცებელი ჰქონდათ, რომ 6 მოგების შემდეგ ზედიზედ 2 წაგება შემთხვევითი ჩავარდნა იყო. თუმცა ფაჩულიას ჩატენვის შემდეგ (28:21) "ქორებმა" დაღმასვლას თავი ვერ აარიდეს და ოთხ წუთში "მილუოკი ბაქსს" 32:40 ჩამორჩნენ. ლარი დრიუს შეგირდებმა თამაში ვერც მესამე თორმეტწუთეულში დაალაგეს და, როგორც მოგახსენეთ, მეოთხე რაუნდის წინ 59:88-ს აგებდნენ...
"ჰოქსს" საკუთარი გულშემატკივრის წინაშე რეაბილიტაციის შანსი დღეს მიეცემა - ჩრდილო-დასავლეთის დივიზიონის ბინადარ "იუტა ჯაზს" მიიღებს.
ატლანტა-მილუოკი 91:108
ზაზა ფაჩულია: 22:43 წუთი, 16 ქულა (7-დან 6 ორქულიანი, 6-დან 4 საჯარიმო), 5 მოხსნა, 1 პასი, 3 ფოლი, 3 შეცდომა
ქრონოლოგია
I პერიოდი
05:21 ზაზამ კოლინზი შეცვალა
05:14 მოხსნა: შეტ-0, დაც-1
03:40 მოხსნა: შეტ-0, დაც-2
02:20 პასი: 1 (პაუელი 2ქ, 24:15)
00:56 შეცდომა: 1
II პერიოდი
11:47 ორქულიანი: 2ქ (28:21)
06:57 შეცდომა: 2
06:44 ფოლი: 1
06:44 კოლინზმა ზაზა შეცვალა
IV პერიოდი
10:15 ორქულიანი: არაზუსტი
09:53 ორქულიანი: 4ქ (67:90)
09:13 ორქულიანი: 6ქ (69:92)
09:13 საჯარიმო: 1/0
07:10 მოხსნა: შეტ-0, დაც-3
06:27 საჯარიმოები: 2/2 (8ქ, 76:98)
05:21 მოხსნა: შეტ-0, დაც-4
04:42 ფოლი: 2
04:10 ორქულიანი: 10ქ (85:100)
02:56 მოხსნა: შეტ-1, დაც-4
02:55 ორქულიანი: 12ქ (87:104)
02:02 საჯარიმოები: 2/2 (14ქ, 89:106)
01:11 ფოლი: 3
01:11 შეცდომა: 3
00:46 ორქულიანი: 16ქ (91:108)
00:46 საჯარიმო: 1/0
