2009 წელს გიორგი ცინცაძე რუსულ "ენისეიში" ჩაირიცხა, თუმცა, კრასნოიარსკის გუნდში გიორგის არ უთამაშია, რადგან რუსეთის ვიზა არ მისცეს და კონტრაქტის გაწყვეტა მოუწია. 11 ნოემბერს ცინცაძეს მაინც მოუხდა კრასნოიარსკში ჩასვლა და მისმა "დონეცკმა" რუსეთიდან ორი ქულა წამოიღო. ბოლო წამებზე დამაჯერებელი თამაშის წყალობით დონეცკელებმა 92:84 გაიმარჯვეს.
გადამწყვეტ მომენტში მთავარი მწვრთნელი გიორგი ცინცაძეს არ ენდო. ქართველმა გამთამაშებელმა სულ 11 წუთი ითამაშა და მისი მონაგარი ასეთი იყო: 4 ქულა, თითო ჩაჭრა-პასი. მატჩის ბომბარდირი "დონეცკის" უკანახაზელი ბერნარდ კინგი გახდა - 23 ქულა ჩააგდო.
"ენისეის" შემადგენლობაში
ვითიბი ლიგაზე "დონეცკს" 4 მოგება, 1 წაგება აქვს და A ჯგუფის სატურნირო ცხრილში მეორე ადგილზეა. დონეცკელები მხოლოდ ხუთმოგებიან "უნიქსს" ჩამორჩებიან.
ყოველდღიური სპორტული გაზეთი "ლელო"
