თორნიკე შენგელია უკვე სისტემატურად ჩნდება მოედანზე. "ბრუკლინ ნეთსის" ქართველმა ფორვარდმა დღეს, გამთენიისას გამართულ შეხვედრაში "ნიუ იორკის" წინააღმდეგ 12.46 წუთი ითამაშა და თავი 3 ქულასა და 2 მოხსნას მოუყარა.
სამწუხაროა, რომ შეხვედრა "ნიუ იორკმა" მოიგო, რომელსაც აქამდე ზედიზედ 9 წაგება ჰქონდა. გადამწყვეტი მესამე პერიოდი აღმოჩნდა, რომელიც "ნიქსმა" 34:16 მოიგო, საბოლოოდ კი 113:83 იმარჯვა.
შენგელიამ 2-დან 1 ორქულიანი და 2-დან 1 საჯარიმო ჩააგდო, 1 სამიანი კი ააცილა. როცა მოედანზე იყო, ქართველ ფორვარდს, ძირითადად, ნიუიორკელთა სუპერვარსკვლავ კარმელო ენტონის მეურვეობა უწევდა; 31 წუთში 19
მომდევნო მატჩს "ბრუკლინი" ზაზა ფაჩულიას "მილუოკისთან", 7 დეკემბერს გამართავს.
წყარო: gbf.ge
