ატლანტა წარმატებულ სვლას განაგრძობს

კაპიტნის, ჯო ჯონსონის გამოკლების (ხელის ტრავმა აქვს) მიუხედავად "ატლანტა" წარმატებულ სვლას განაგრძობს. ჯორჯიელებმა ამჯერად აღმოსავლეთის კონფერენციის აუტსაიდერ "ნიუ ჯერსის" (16 მარცხი, 6 მოგება) უმასპინძლეს და 15 ქულის სხვაობით გაიმარჯვეს - 116:101.

სტუმრებმა "ქორებს" პირველ ტაიმში ღირსეული წინააღმდეგობა გაუწიეს, ერთ ეპიზოდში 7 ქულითაც დაწინაურდნენ (38:31), მაგრამ ატლანტელები გონს მალევე მოეგნენ და 7 წუთში სულაც 14 ქულით წინ გაიჭრნენ - 60:46. ასეთი უპირატესობის შენარჩუნება ჯორჯიელებს გაცილებით ძლიერ მეტოქეებთანაც არ უჭირთ. როგორც გითხარით, "ჰოქსმა" 116:101 მოიგო.

"ატლანტას" სასტარტო ხუთეულში ჯეისონ კოლინზი გამოჩნდა, რომელიც მალე ზაზა ფაჩულიამ შეცვალა. ქართველმა ცენტრმა თოთხმეტი წუთი ითამაშა და დრო უქმად არ დაუკარგავს (იხილეთ მონაგარი). გაცილებით შთამბეჭდავი ჯოშ სმიტის სტატისტიკა გამოდგა: 34 ქულა და 7 პასი.

"ატლანტას" 15 მოგების წილ 8 წაგება აქვს და აღმოსავლეთის კონფერენციაში მესამე ადგილზეა. "ჰოქსის" მომდევნო შეხვედრა 10 დეკემბერს დასავლეთის კონფერენციის ლიდერის "სან ანტონიოს" წინააღმდეგ ტეხასში იგეგმება.

ატლანტა-ნიუ ჯერსი 116:101
ზაზა ფაჩულია: 13:46 წუთი, 2 ქულა (3-დან 1 ორქულიანი, 2-დან 0 საჯარიმო), 4 მოხსნა, 2 პასი, 1 ჩაჭრა, 3 ფოლი

ქრონოლოგია
I პერიოდი
07:14 ზაზამ კოლინზი შეცვალა
03:31 მოხსნა: შეტ-0, დაც-1
01:57 ფოლი: 1
00:16 მოხსნა: შეტ-0, დაც-2
00:05 საჯარიმოები: 2/0
00:03 მოხსნა: შეტ-1, დაც-2
00:03 ორქულიანი: 2ქ (27:26)
II პერიოდი
11:29 მოხსნა: შეტ-1, დაც-3
09:30 ჰორფორდმა ზაზა შეცვალა
03:58 ზაზამ ტიგი შეცვალა
03:47 ფოლი: 2
03:10 ტომასმა ზაზა შეცვალა
III პერიოდი
04:08 ზაზამ კოლინზი შეცვალა
03:28 პასი: 1 (სმიტი 2ქ, 77:63)
02:44 ორქულიანი: არაზუსტი
02:06 ჩაჭრა: 1 (პეტროს ჩაუჭრა)
02:01 პასი: 2 (სმიტი 2ქ, 79:67)
01:20 ორქულიანი: არაზუსტი
00:53 ფოლი: 3
00:53 უილკინსმა ზაზა შეცვალა