დრიუს ზაზა ფაჩულია ავიწყდება

თუ "ატლანტა ჰოქსმა" თამაში ასე განაგრძო, შუა სეზონში გუნდში მწვრთნელის ცვლილება არ არის გამორიცხული. "ნიუ ორლეანთან" მატჩში ჯორჯიელებს ნამდვილად არ ეტყობოდათ, რომ აღმოსავლეთის კონფერენციის ფინალისთვის იბრძვიან. არადა, ამ ზაფხულს მწვრთნელად ლარი დრიუ რომ დაინიშნა, მიზნად წინამორბედი მაიკ ვუდსონის შედეგის გაუმჯობესება დაუსახეს.

"ატლანტამ" ორლეანელებთან განსაკუთრებით უფერულად მეორე ტაიმი ჩაატარა. მესამე პერიოდის 5-წუთიან მონაკვეთში "ნიუ ორლეანმა" 11 ქულა ჩააგდო, "ჰოქსის" კალათბურთელები კი ტყორცნას ტყორცნაზე აცილებდნენ და მეტოქეს 11:0 გაქცევის უფლება მისცეს. მას მერე მასპინძლებმა ატლანტელებს პერიმეტრი გადაუკეტეს, საშუალო დისტანციიდან ორქულიანებსაც თავისუფლად არ ასროლინებდნენ და მშვიდად მიაღწიეს გამარჯვებას.

საინტერესოა, რომ მწვრთნელმა ლარი დრიუმ მეორე ტაიმში დაივიწყა ზაზა ფაჩულია, რომელიც პირველ ნახევარში ერთი-ორჯერ ფარქვეშ კარგად გაიხსნა. არადა, "ატლანტას" სამწამიანი ზონიდან ჩამგდები ნამდვილად სჭირდებოდა (კოლინზმა ფარქვეშიდან ერთი ისროლა და მატჩის კომენტატორი გაოგნდა, როგორ ვერ ჩააგდოო), მომხსნელზე აღარაფერს ვამბობთ. თავად განსაჯეთ, "ნიუ ორლეანმა" სტუმრებს მოხსნებში 47:38 აჯობა, ხოლო მესამე პერიოდისთვის სამწამიანი ზონიდან 38 ქულა ჰქონდა მოგროვილი ("ატლანტას" - 16).


ნიუ ორლეანი-ატლანტა 93:86
ზაზა ფაჩულია: 9:48 წუთი, 3 ქულა (2-დან 1 ორქულიანი, 3-დან 1 საჯარიმო), 1 მოხსნა, 1 ჩაჭრა, 1 ფოლი, 2 შეცდომა

ქრონოლოგია
I პერიოდი
04:14 ზაზამ ბიბი შეცვალა
02:53 შეცდომა: 1
02:51 ჩაჭრა: 1 (სმიტს ჩაუჭრა)
02:23 შეცდომა: 2
II პერიოდი
10:46 ფოლი: 1
10:11 ორქულიანი: არაზუსტი
09:41 ორქულიანი: 2ქ (34:32)
09:41 საჯარიმო: 1/1 (35:32)
09:06 მოხსნა: შეტ-1, დაც-0
09:06 საჯარიმოები: 2/0
06:26 უილიამსმა ზაზა შეცვალა