"ატლანტასთან" საპასუხო მატჩში ზაზა ფაჩულიამ 11 ქულა და 15 მოხსნა დააგროვა

მას შემდეგ, რაც სტუმრად 30 ქულით დაამარცხა, ზაზა ფაჩულიას "მილუოკიმ" მეორე დღეს "ატლანტას" შინაურ კედლებში უმასპინძლა და დაძაბულ ბრძოლაში - 85:90 წააგო. ქართველმა ცენტრმა სეზონის ერთ-ერთი საუკეთესო მატჩი ჩაატარა.

ფაჩულია კვლავ სასტარტო ხუთეულში იყო და მოედანზე გატარებულ 29 წუთში ორმაგი დუბლი შეასრულა. ეს შედეგი ზაზამ მიმდინარე სეზონში მეორედ დააფიქსირა - 18 ოქტომბერს, "ნიუ იორკთან" 117:113 მოგებულ მატჩში ზაზამ 14 ქულა და 13 მოხსნა დააგროვა.

28 დეკემბერს გამართულ მატჩში კი ფაჩულიამ 11 ქულა და 15 მოხსნა მიითვალა. ეს უკანასკნელი შედეგი - 15 მოხსნა, ქართველი ცენტრისთვის მიმდინარე სეზონში უმეტესია.

ფაჩულიამ 29 წუთში 8 ორქულიანიდან 4 ჩააგდო, საჯარიმოს ხაზიდან კი შეუცდომლად 3-ჯერ ესროლა. 11 ქულასა და 15 მოხსნასთან ერთად ზაზამ 3 პასი და 1 დაფარება მიითვალა, ბურთი კი 2-ჯერ დაკარგა.

საერთო სარგებლიანობით ზაზა კრის მიდლტონთან ერთად საუკეთესო იყო ატლანტელთაგან. მიდლტონმა 37 წუთში 21 ქულა და 5 მოხსნა მიითვალა.

წაგების მიუხედავად "მილუოკი", რომელსაც 15 მოგების წილ 16 მარცხი აქვს, აღმოსავლეთ კონფერენციაში მე-6 ადგილზე რჩება. მომდევნო მატჩს ფაჩულიას გუნდი 29 დეკემბერს შარლოტში, "ჰორნეთსთან" გამართავს.

წყარო: www.gbf.ge