ბალტიის ლიგაში საახალწლოდ შესვენება გამოცხადდა, რითაც ისარგებლეს ესტონურმა კლუბებმა და ესტონეთის თასი გაითამაშეს. ნახევარფინალში გიორგი ცინცაძის "ტარტუ როკმა" ტტუ 76:65 დაამარცხა, ხოლო "რაკვერემ" ჩემპიონ "კალევს" სძლია - 82:74.ნახევარფინალში ცინცაძე სასტარტო იყო, 23 წუთი ითამაშა, 5 ქულა, 3 მოხსნა და 4 პასი მიითვალა. "როკის" ბომბარდირი ტიმო ეიჩფუსი გახდა - 17 ქულა.
თასის გათამაშების გადამწყვეტ ეტაპს რაკვერემ უმასპინძლა, ამიტომ, "კალევის" მძლეველი "რაკვერესგან" ფინალშიც დიდ წინააღმდეგობას ელოდნენ, მაგრამ ასე არ მოხდა. "ტარტუ როკმა" მასპინძლებს "კუდით ქვა ასროლინა" - 81:51.
ამ მატჩში გიორგი
ასე და ამგვარად, "როკერებმა" ამ სეზონში უკვე მეორე ტიტული მოიგეს - ბალტიის თასის შემდეგ ესტონეთის თასი აღმართეს. ბალტიის ლიგაზე რა მოგახსენოთ, მაგრამ ესტონეთის ჩემპიონატში ცინცაძის გუნდი მთავარი ფავორიტია. ვნახოთ, "კალევს" ჩემპიონობას ჩამოართმევს თუ არა.
.
