ზაზა ფაჩულიას "მილუოკიმ" დასანანი მატჩი წააგო "ჩიკაგო ბულსთან" და საპლეიოფო სერიაში 0:3 ჩამორჩა. ჩიკაგოში 2 მარცხის შემდეგ სერიამ მილუოკიში გადაინაცვლა და ფაჩულიას გუნდი ფავორიტადაც ითვლებოდა, მაგრამ დამატებით დროში არ გაუმართლა. მილუოკელებმა შეხვედრა 2 ოვერტაიმის შემდეგ - 106:113 დათმეს.
ქართველი ცენტრი სასტარტო ხუთეულში იყო, თუმცა მოედანზე მხოლოდ 19 წუთი გაატარა. ზაზამ 5-დან 1 ორქულიანი ჩააგდო და შეხვედრა 2 ქულით, 6 მოხსნით და 1 დაფარებით დაასრულა. ფაჩულიას ოპონენტმა, ჩიკაგოელმა ჟოაკიმ ნოამაც 2 ქულა და მანაც 5-დან 1 ორქულიანი ჩააგდო.
საუკეთესო დერიკ როუზი
0:3 ჩამორჩენიდან თავი ცოტას თუ დაუძვრენია. "მილუოკიმ" საკუთარ თავს უნდა აჯობოს, რომ ზედიზედ 4 მატჩი მოიგოს და პლეი ოფის მომდევნო რაუნდში გავიდეს. მორიგი მატჩი მილუოკიში 26 აპრილს გაიმართება.
წყარო: gbf.ge
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
