თურქული გამოცემების მიხედვით, ევროლიგის წარმომადგენელი სტამბოლის "ეფესი" ორი ხმაურიანი ტრანსფერის განხორციელებას აპირებს: "კარშიაკადან" ჯონ დიებლერის გადაბირება სურს, ხოლო ცსკა-დან - მანუჩარ მარკოიშვილის. იქვე ჩამოთვლილია კალათბურთელები, რომლების "ეფესში" დარჩენა-არდარჩენის საკითხი ჯერაც გასარკვევია. მათ შორისაა ბერძენი სტრატოს პერპეროგლუ.
დღეს რთული სათქმელია, რამდენად საფუძვლიანია თურქული წყაროების მიერ გავრცელებული ინფორმაცია მანუჩარ მარკოიშვილთან დაკავშირებით. ერთი კი ფაქტია - მანუმ მოსკოვის ცსკა-სთან გასული სეზონის დასაწყისში ორწლიანი კონტრაქტი გააფორმა და ხელშეკრულების მიხედვით, კიდევ ერთი წელი დარჩა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
