საქართველოს ეროვნულ ნაკრებში ილიას ზუროსის ასისტენტი, ფრანგულ გრანდ "მონაკოს" სამწვრთნელო შტაბის წევრი მანუჩარ მარკოიშვილი ევროპის ყველაზე პრესტიჟული საკლუბო ტურნირის, ევროლიგის მე-3 ადგილის მფლობელია. მონაკოელებმა მე-3 ადგილისთვის მატჩში ესპანური "ბარსელონა" 78:66 დაამარცხეს.მარკოიშვილმა მიმდინარე სეზონში უკვე მოიგო ერთი ტიტული – "მონაკომ" საფრანგეთის თასის ფინალში "ვილერბანი" დაამარცხა. სეზონის მთავარი ტიტულისთვის – საფრანგეთის ჩემპიონობისთვის, მონაკოელები ბრძოლას აგრძელებენ.
რაც შეეხება ევროლიგას, ტურნირში მონაწილე კონტინენტის საუკეთესო გუნდების გათვალისწინებით, მე-3 ადგილი საკმაოდ კარგი შედეგია. შეგახსენებთ, რომ ოთხთა ფინალში გასულმა "მონაკომ" ნახევარფინალში "ოლიმპიაკოსთან" დათმო, ხოლო მეორე წყვილში
დამარცხებულ "ბარსელონას" მე-3 ადგილისთვის მატჩში სძლია.
GBF.GE
![alt](/pictures/image50/f6f9d7b5384e2e7db0d93266250fc883.jpg "მანუჩარ მარკოიშვილი "მონაკოსთან" ერთად ევროლიგის მე-3 ადგილის მფლობელი გახდა")
პირველი ტიტული მწვრთნელის რანგში - მარკოიშვილის "მონაკომ" საფრანგეთის თასი მოიგო
