მე-8 ორმაგი დუბლი სეზონის მე-14 მატჩში - ზაზა ფაჩულია კარიერის საუკეთესო სეზონს "დალას მავერიკსში" ატარებს.
ქართველი ცენტრი უკვე ორმაგ დუბლთან ასოცირდება. ის ამ კატეგორიაში პლანეტის უძლიერეს საკალათბურთო ლიგაში ლიდერთა შორისაა.
მე-8 ორმაგი დუბლი ზაზამ დღეს, გამთენიისას, ოკლაჰომაში მიითვალა, სადაც მისმა "დალასმა" ურთულესი ბრძოლა გადაიტანა და ადგილობრივ "სანდერთან" დაძაბულ ბრძოლაში 114:117 დამარცხდა.
მატჩის ბედი ბოლო წამებზე გადაწყდა და გამარჯვება არნახულ ფორმაში მყოფი რასელ ვესტბრუკის "ოკლაჰომას" დარჩა. ვესტბრუკი ფაჩულიასთან ერთად ამ უხვქულიანი მატჩის მეორე ორმაგი დუბლის შემსრულებელი გახდა. ამ მარცხით დალასელებმა 6-მატჩიანი წაუგებელი სერია დაასრულეს.
ფაჩულია სასტარტო ხუთეულში იყო და ამ ჯერზე 34 წუთი ითამაშა. ქართველმა ცენტრმა 8-დან 4 ორქულიანი და 7-დან 4 საჯარიმო ჩააგდო. 12 ქულასთან ერთად ფაჩულიამ 10 მოხსნა, 6 პასი, 3 დაფარება და 1 ჩაჭრა მიითვალა. დერონ უილიამსთან ერთად ფაჩულია დალასელთაგან საუკეთესო იყო შედეგიან გადაცემებში.
რაც შეეხებათ გამარჯვებულებს, მათ, ტრადიციულად, რასელ ვესტბრუკმა ულიდერა, რომელმაც 31 ქულა, 11 პასი და 5 ჩაჭრა მიითვალა.
9 მოგებითა და 5 მარცხით "დალასი" დასავლეთ კონფერენციაში კვლავ მე-3 ადგილზე იმყოფება. მორიგი მატჩი ტეხასელებს 25 ნოემბერს, მემფისში "გრიზლისთან" ელით.
მომზადებულია gbf.ge-ს მიხედვით
10:30 23-11-2015
ზაზა ფაჩულიამ NBA-ს მიმდინარე სეზონში უკვე მე-8 ორმაგი დუბლი გაიფორმა [VIDEO]
AutoSharing Option
მკითხველის კომენტარები / 4 /
მოწონებების მიხედვით
თარიღის მიხედვით
ისე კი ასეთ ხანგრდზლივ ვიდეოებს თუ დადებთხოლმე ნბა-ს ასეთი უმაგრესი თამაშებიდან სულ კარგი იქნება რა.. მითუმეტეს ზაზას მომენტები ლეიკერსთან მვპ-ი რო იყო მაშინ თუ მოხვდა, თორემ არ იყო. ასე რომ ეცადეთ ამიერიდან ასეთი ვიდეოები მოიპოვოთ
0
0
10 მოხსნა არის სტანდარტი ყველა კარგი ცენტრისთვის, კარგია რომ ზოგ თამაშში 16, 14 მოხსნაც გააკეთა. ზაზასთვის ეს სეზონი იქნება წარმატებული თუ საშუალოდ 10 ქულა 10 მოხსნა მაინც ექნება. ამჯამად ცოტატი ჭარბობს საშუალო მონაცემებით თუ არ ვცდები ამ მონაცემებს და მაგრა გამისწორდება 15 ქულას და 10-12 მოხსნას თუ სტაბილურად გააკეტებს. თანაც რეალურია იმიტო რო თუ კადრებს აკვირდებით დალასის თამაშის სტილი მაინც საშუალო მანძილიდან სროლა და 3 წამიანი ზონაა. დაცვაში ერთი-ორჯერ უფრო რისკიანად რო ეთამაშა 3 დაფარებაზე მეტსაც გააკეთებდა, მაგრამ ოკლაჰომა დურანტის გარეშეც ოკლაჰომაა, ვესტბრუკ ვაიტერსმა კი დაგლიჯეს, მაგრამ მათ "ბიგ მენ"-ებსაც წაუვიდათ და ამან განაპირობა დალასის მარცხი
0
0
ყველა კომენტარი
გააკეთეთ კომენტარი
ასევე დაგაინტერესებთ
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
107.00 k
150.00 k
სიახლეები
პოპულარული
