იტალიის ჩემპიონატში წარმატებულ სვლას განაგრძობს "კანტუ", რომელსაც ტრავმის მოშუშების შემდეგ მანუჩარ მარკოიშვილი დაუბრუნდა. კანტუელებმა ბოლო ტურში ევროლიგის წარმომადგენელ "რომას" უმასპინძლეს და დაძაბულ ბრძოლაში 79:74 დაამარცხეს.მანუჩარმა მატჩი სათადარიგოთა სკამიდან დაიწყო, 17 წუთში 7 ქულა, 3 მოხსნა და თითო ჩაჭრა-პასი მიითვალა. მან გამოცემა "ბასკეტნეტისგან" 6.5 ბალი დაიმსახურა.
კანტუელთაგან ყველაზე მეტი მაიკ გრინმა ჩააგდო - 18 ქულა, 10 მოხსნა.
ნამატჩევს მარკოიშვილმა ასეთი კომენტარი გააკეთა:
- იტალიის ჩემპიონატში მეორე ადგილზე ვართ, რაც ძალიან სასიამოვნოა. ეს იმას ნიშნავს, რომ ჩვენს შრომას შედეგი მოაქვს. თუმცა,
***
"აველინო"-"ვირტუსის" მატჩის მიმოხილვას გაზეთ "კორიერე დელო სპორტში" ასე ჰქვია: "შევჩიკი, ურაგანი ბოლონიელთათვის". მართლაც, პოლონელი შიმონ შევჩიკის შეჩერება სტუმრებს ძალიან გაუჭირდათ. მან 36 ქულა და 17 მოხსნა მოაგროვა.
ვიქტორ სანიკიძემაც ორმაგი დუბლი შეასრულა - 17 ქულა და 12 მოხსნა. სწორედ ვიქტორს შეეძლო შევჩიკის თამაში გაეფერმკრთალებინა - "აველინო" დაემარცხებინა: სირენამდე 7 წუთით ადრე "აველინოელები", რომელთა სათადარიგოთა სკამზე მერაბ ბოქოლიშვილი იჯდა, 78:70-ს იგებდნენ. წაგების საშიშროება რომ იგრძნო, ვიქტორმა თამაში საკუთარ თავზე აიღო, ჯერ სამქულიანი ჩააგდო, შემდეგ ჩატენა, ისევ სამქულიანი მიითვალა და - 80:80. ამის შემდეგ თამაში ქულა-ქულაში მიმდინარეობდა და ფრედ დასრულდა - 89:89. ოვერტაიმში სანიკიძემ შეტევაშიც მოხსნა, თანაგუნდელებს პასითაც შეეშველა, მორიგი ჩატენვა მიითვალა, მაგრამ "ვირტუსი" მარცხისგან მაინც ვერ იხსნა.
ვიქტორის თამაში გაზეთმა "ბასკეტნეტმა" 7 ქულით შეაფასა.
***
"კანტუს" 13 მოგება აქვს და სატურნირო ცხრილში მე-2 ადგილზეა. მეოთხეა "აველინო" (10 გამარჯვება), ხოლო "ვირტუსი" მეექვსე პოზიციაზეა (9-9 მოგება-წაგება).
10 თებერვალს იტალიის თასის გათამაშება დაიწყება. მეოთხედფინალში "კანტუ" "ბიელას" შეხვდება, "ვირტუსი" - "მონტეგრანაროს", ხოლო "აველინო" - "მილანს".
.
