"დალას მავერიკსმა" დრამატული მატჩი მოიგო. ზაზა ფაჩულიას გუნდმა დასავლეთ კონფერენციაში ერთ-ერთ მთავარ კონკურენტ "პორტლენდს" უმასპინძლა და დამატებით დროში 132:120 დაამარცხა.
37 წლის დირკ ნოვიცკიმ ოვერტაიმში ზედიზედ 8 ქულა ჩააგდო, მთლიანობაში კი მიმდინარე სეზონში პირადსარეკორდო 40 ქულა მიითვალა და დალასელებს გაამარჯვებინა.
31 ქულა და 16 პასი გაიღო დერონ უილიამსმა. გამარჯვებაში სოლიდური წილი დაიდო ახალბედა ცენტრმა, ტუნისელმა სალაჰ მეჯრიმ, რომელმაც 32 წუთში 13 ქულა, 14 მოხსნა და 6 დაფარება მიითვალა.
გასულ 3 მატჩში სათადარიგოდ ყოფნის შემდეგ ფაჩულია სასტარტო ხუთეულში დაბრუნდა, თუმცა მხოლოდ
35-35 მოგება-წაგებით "დალასი" "ჰიუსტონთან" ერთად დასავლეთ კონფერენციაში მე-7-მე-8 ადგილებს იყოფს. მე-6 საფეხურზე "პორტლენდია", რომელსაც 1 მოგებით მეტი გააჩნია. შემდეგ მატჩს ფაჩულიას გუნდი ისევ "პორტლენდთან", 24 მარტს, სტუმრად გამართავს.
მომზადებულია gbf.ge-ს მიხედვით
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
