რუსეთის ნაკრების ლიდერი ანდრეი კირილენკო მოსკოვის ცსკა-ში დაბრუნდა, რომლის რიგებშიც ის 1998-2001 წლებში თამაშობდა. ამის შესახებ არმიული კლუბის ოფიციალური ვებგვერდი იტყობინება. კირილენკომ, რომელსაც ამ ზაფხულს ამოეწურა კონტრაქტი NBA-ის კლუბ "იუტა ჯაზთან", ცსკა-სთან სამწლიანი ხელშეკრულება გააფორმა. მის კონტრაქტში არის პუნქტი, რომლის მიხედვითაც კირილენკოს შეუძლია NBA-ში დაბრუნდეს.
მოსკოვური კლუბის მთავარი მწვრთნელი იონას კაზლაუსკასი აცხადებს, რომ არასწორად მიაჩნია ლოკაუტის პერიოდში მოთამაშის NBA-დან აყვანა, მაგრამ კირილენკო - გამონაკლისია, რადგან მან ცსკა-სთვის და რუსეთის ნაკრებისთვის ძალიან ბევრი გააკეთა.
მოსკოვის ცსკა-ს შემადგენობაში კირილენკო ორჯერ გახდა რუსეთის
შარშან "იუტას" შემადგენლობაში კირილენკომ 64 მატჩი ჩაატარა და საშუალოდ 11.7 ქულა და 5.1 მოხსნა დააგროვა.
ყოველდღიური სპორტული გაზეთი "ლელო"
