"დალას მავერიქსის" ფორვარდმა დირკ ნოვიცკიმ პლეიოფის მატჩებში ზუსტად შესრულებული საჯარიმო ტყორცნების რეკორდი დაამხო. 18 მაისს ღამით "ოკლაჰომა სიტისთან თანდერსთან" პირველ ნახევარფინალურ შეხვედრაში ნოვიცკიმ 24-დან 24 საჯარიმო ჩააგდო. "დალასმა" 121:112 მოიგო.ნოვიცკიმ ზუსტად შესრულებული საჯარიმო ტყორცნების რეკორდი "ბოსტონ სელტიკსის" მცველს პოლ პირსს ჩამოართვა. 2003 წლის პლეიოფში პირსმა "ინდიანა პეისერსთან" პირველი რაუნდის შეხვედრაში 21-დან 21 საჯარიმო ჩააგდო.
"ოკლაჰომასთან" მატჩში ნოვიცკიმ 48 ქულა მოაგროვა. ეს შედეგიანობა ნბა-ს 2011 წლის სეზონისთვის სარეკორდოა. სერიის მეორე მატჩი, რომელიც ოთხ მოგებამდე გაგრძელდება 19 მაისს "დალასის" მოედანზე გაიმართება.
