ნაციონალური საკალათბურთო ასოციაციის 2010/11 სეზონის ფინალური სერიის მეორე მატჩში "მაიამიმ" საკუთარ მოედანზე იწვნია "დალასისგან" მარცხი და სერიაში ანგარიში გათანაბრდა - 1:1. არადა, მასპინძლები მატჩის დასრულებამდე 6:28 ადრე ანგარიშით 88:73 იგებდნენ, თუმცა დაცვაში ბრწყინვალე თამაშისა და ჯეისონ ტერისა და დირკ ნოვიცკის შედეგიანობის წყალობით, სტუმრებმა დარჩენილ დროში 22:5 იმარჯვეს და გამარჯვება დაისაკუთრეს. გადამწყვეტი სროლა თამაშის დასრულებამდე 3 წამით ადრე ნოვიცკიმ შეასრულა.
მაიამი-დალასი 93:95 (28:28, 23:23, 24:20, 18:24)
ანგარიში სერიაში: 1-1
